৫০ বছৰীয়া ৰেকৰ্ড ভংগ, বিশ্বৰ অন্যতম চহৰত ১২০ গৰাকী নিহত
বিশ্বৰ অন্যতম চহৰ টেক্সাচ, যি উন্নতিৰ ফালৰ পৰা সকলো পিনেই আগবঢ়া। পাছে সেই চহৰত এতিয়া প্ৰকৃতিৰ তাণ্ডৱ। প্ৰকৃতিয়ে বাৰুকৈয়ে বিপদত পেলাইছে চহৰখনক। ৫০ বছৰীয়া ৰেকৰ্ড ভংগ কৰি এইবাৰ চহৰখনত প্ৰকৃতিয়ে চাণ্ডৱ চলাইছে। ধাৰসাৰ বৰষুণৰ ফলত টেক্সাচ এতিয়া পানীৰ তলত।
চাৰিওফালে পানী আৰু পানী কেৱল ধ্বংসলীলা। এতিয়ালৈকে এই ভয়ংকৰ পৰিস্থিতিৰ ফলত প্ৰাণ হেৰুৱাইছে ১২০ গৰাকী লোকে। মৃতসকলৰ অধিকাংশই শিশু আৰু মহিলা। টেক্সাছৰ বানপানীক ইতিহাসৰ অন্যতম মাৰাত্মক অন্তৰ্দেশীয় বানপানী বুলি অভিহিত কৰা হৈছে। ২০২৫ চনৰ জুলাই মাহৰ বানপানীয়েও ১৯৭৬ চনৰ বিগ থম্পছন নদীৰ বানপানীক অতিক্ৰম কৰিছে।
টেক্সাছৰ বানপানীৰ আটাইতকৈ বেদনাদায়ক ধ্বংসৰ দৃশ্যটো যেতিয়া গ্ৰীষ্মকালীন শিবিৰ মিষ্টিকত থকা ৫০০ৰো অধিক শিশুক হঠাতে বানপানীয়ে উটুৱাই লৈ যায়। অৱশ্যে সুকলমে বহু শিশুক উদ্ধাৰ কৰা হয়, কিন্তু এতিয়াও সন্ধানহীন হৈ আছে ২৭ গৰাকীতকৈ অধিক শিশু। যদিও উদ্ধাৰ অভিযান আৰু সাহায্যৰ কাম চলি আছে, তথাপিও বানপানীৰ পানী আগবাঢ়ি গৈ বিধ্বংসী ৰূপ ধাৰণ কৰিছে।
ইতিমধ্যে ৰাষ্ট্ৰপতি ড’নাল্ড ট্ৰাম্পে টেক্সাছৰ বানপানী আকাশৰ পৰা পৰিদৰ্শন কৰিছে। তেওঁ টেক্সাছত হোৱা ধ্বংসলীলাক ১০০ বছৰৰ ভিতৰত হোৱা আটাইতকৈ ভয়াৱহ ধ্বংসলীলা বুলি অভিহিত কৰি বানপীড়িত লোকসকলক নিৰাপদ স্থানলৈ লৈ যোৱাৰ নিৰ্দেশ দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
