“ব’ৰ্ডাৰ”ৰ দৰে ব্লকবাষ্টাৰ ছবি আৰু “সুৰাগ-দ্য ক্লু”ৰ দৰে ক্লাছিক শ্ব’ৰ দ্বাৰা সকলোৰে চিনাকি হৈ পৰা অভিনেতা সুদেশ বেৰীয়ে ককৰোচ জনতা পাৰ্টিক তীব্ৰ ভাষাৰে সমালোচনা কৰি প্ৰধানমন্ত্ৰী নৰেন্দ্ৰ মোডীক গালি-গালাজ কৰাসকলক ধিক্কাৰ দিছে । কেৱল এয়াই নহয়, প্ৰধানমন্ত্ৰী নৰেন্দ্ৰ মোডীক ভগৱান বিষ্ণুৰ অৱতাৰ বুলি অভিহিত কৰি তেওঁ ৰাম ৰাজ্য আনিছে বুলি কয়। তদুপৰি তেওঁ ককৰোচ জনতা পাৰ্টিৰ সদস্যসকলক “পাগল” বুলি অভিহিত কৰে। অভিনেতাজনে কয় যে”এই মানুহবোৰৰ কোনো মৰ্যাদা নাই, কোনো শ্ৰেণী নাই। CJPৰ সদস্যসকল ভিক্ষাৰী আৰু মৃ*ত মানুহ।”
সুদেশ বেৰীয়ে লগতে দাবী কৰে যে CJPৰ সভাপতিয়ে তেওঁক ফোন কৰি আন্দোলনত যোগদান কৰিবলৈ কৈছিল। এই সন্দৰ্ভত অভিনেতাজনে কয় “তেওঁলোকৰ সভাপতিয়ে মোক ফোন কৰি কয়, ‘ছাৰ, আপুনি যোগদান কৰিবলৈ আহক।’ মই তাক ব্লক কৰিলোঁ”। অভিনেতাজনে কেৱল ইয়াতেই ক্ষান্ত নাথাকি কয় যে-“এইধৰণৰ মানুহবোৰৰ বাবে আমাৰ দেশখনৰ উন্নতি হোৱা নাই। ইহঁতে দেশখনক পিছুৱাইহে নি আছে।” “এই সকলোবিলাকেই প্ৰৱঞ্চক। পিছফালে বহি থকা কোনোবা উদ্যোগীয়ে তেওঁলোকক ধন দিয়ে। ফটা চপ্পল পিন্ধা সেই মানুহবোৰ, সকলোৱে মাইক্ৰ’ফোনৰ চাৰিওফালে থিয় হৈ, কোনোবাই নাচিছে, কোনোবাই ভগৱানক উপলুঙা কৰি আছে। সিহঁতৰ ইয়াতেই আৰম্ভ হৈ ইয়াতেই শেষ হ’ব। সিহঁতৰ ধ্বংস হ’ব। কোনোবা অদ্ভুত কীটৰ নাম দি পাৰ্টি গঠন কৰিলে। কিয় হায়েনা পাৰ্টি গঠন নকৰে?” বুলিও অভিনেতাজনে ক্ষোভ উজাৰে।
অভিনেতাজনে নৰেন্দ্ৰ মোদীৰ প্ৰসংগৰে কয়-“বেচেৰা নৰেন্দ্ৰ মোদীয়ে কি ভুল কৰিছে? সমগ্ৰ বিশ্বত নৰেন্দ্ৰ মোদীৰ নাম হৈছে। অপশক্তিৰ বিৰুদ্ধে প্ৰত্যাহ্বানৰো সৃষ্টি কৰিছে কিন্তু নিজৰ ঘৰতে নিজৰ মানুহখিনিয়ে মোদীৰ পিছত পৰি আছে।” কেৱল এয়াই নহয় মোদীৰ প্ৰশংসাত পঞ্চমুখ হৈ অভিনেতাজনে কয়- “মই মোদীৰ ভৰি ধোৱা পানীও খাব পাৰো, তেওঁ মানুহতকৈ ঊৰ্ধ্বত, কাৰণ নৰেন্দ্ৰ মোদী বিষ্ণু অৱতাৰৰ দৰে।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
