কন্যাৰ ধৰ্মেন্দ্ৰ প্ৰধানৰ বিৰুদ্ধে কৰা এটা পোষ্টক লৈ বিপদত পৰিছে ওড়িশাৰ ভুবনেশ্বৰৰ বিজেপি সাংসদ অপৰাজিতা সাৰংগী। প্ৰকৃততে অপৰাজিতা সাৰংগীৰ কন্যা অৰ্চিতা শচীন ৰাহৰ এটা ছ’চিয়েল মিডিয়া পোষ্টক কেন্দ্ৰ কৰি একপ্ৰকাৰ বিপদত পৰিছে সাংসদগৰাকী। দিল্লীত হোৱা CJPৰ প্ৰতিবাদ আৰু ছোনম ৱাংচুকৰ অনশনক সমৰ্থন কৰি ছ’চিয়েল মিডিয়াত কেতবোৰ পোষ্ট কৰিছিল সাংসদগৰাকীৰ কন্যা অৰ্চিতাই। অৰ্চিতাৰ পোষ্টটোৰ পিছতে ওড়িশা বিজেপিৰ দলীয় নেতা-কৰ্মীসকলৰ মাজত তীব্ৰ ক্ষোভৰ সৃষ্টি হৈছে।
কি আছিল আৰ্চিতাৰ পোষ্টটো
দিল্লীৰ দুমাহজোৰা প্ৰতিবাদৰ অন্তত যেতিয়া শিক্ষামন্ত্ৰী ধৰ্মেন্দ্ৰ প্ৰধানে পদত্যাগ কৰে তাৰ পিছতেই এটা বিশেষ পোষ্ট কৰিছিল বিজেপি সাংসদ অপৰাজিতা সাৰংগীৰ কন্যা আৰ্চিতাই। ধৰ্মেন্দ্ৰ প্ৰধানৰ পদত্যাগৰ পিছতে আৰ্চিতাই উদযাপনসূচক ইমোজিৰে এটা পোষ্ট কৰে। তাৰ পিছতে পুনৰাই এটা পোষ্টৰ জৰিয়তে আৰ্চিতাই লিখে যে ‘পোষ্টটো ডিলিট কৰিবলৈ মোৰ ওপৰত প্ৰচণ্ড হেঁচা পৰিছে, কিন্তু যিমান হেঁচা পৰিলেও মই পোষ্টটো ডিলিট নকৰোঁ।’
ডিলিট হ’ল ইনষ্টাগ্ৰামৰ একাউণ্ট
বিজেপি সাংসদ অপৰাজিতা সাৰংগীৰ কন্যা অৰ্চিতাই ধৰ্মেন্দ্ৰ প্ৰধানক লৈ দিয়া পোষ্টটোৰ পিছতে সম্প্ৰতি নিষ্ক্ৰয় কৰা হৈছে আৰ্চিতাৰ ইনষ্টাগ্ৰাম একাউণ্ট। অৰ্চিতাই অন্য এটা পোষ্টত সদৰী কৰা অনুসৰি-অৰ্চিতাই ইনষ্টাগ্ৰামত পোষ্টটো দিয়াৰ পিছতে ধৰ্মেন্দ্ৰ প্ৰধানৰ কাৰ্যালয়ৰ পৰা অপৰাজিতা সাৰংগীলৈ ফোন আহিছিল। ধৰ্মেন্দ্ৰ প্ৰধানৰ PA-ই অৰ্চিতাৰ পোষ্টটো ডিলিট কৰাৰ বাবে ফোনত অনুৰোধ কৰিছিল। কিন্তু ধৰ্মেন্দ্ৰ প্ৰধানৰ PAৰ ফোনৰ পিছতো অৰ্চিতাই ধৰ্মেন্দ্ৰ প্ৰধানক লৈ কৰা পোষ্টটো ডিলিট নকৰে বুলি স্পষ্ট কৰি দিছিল। এই সকলো কথা ইনষ্টাগ্ৰামত অন্য এটা পোষ্টৰ জৰিয়তে অৰ্চিতাই সদৰী কৰাৰ কিছু সময় পিছতে নিষ্ক্ৰিয় হৈ পৰে অৰ্চিতাৰ ইনষ্টাগ্ৰাম একাউণ্ট।
অৰ্চিতাৰ পোষ্ট সন্দৰ্ভত সাংসদ মাতৃৰ কাৰ্যালয় সহায়কে কি কয়?
ভুবনেশ্বৰৰ বিজেপি সাংসদ তথা অৰ্চিতাৰ মাতৃ অপৰাজিতা সাংৰগীৰ কাৰ্যালয়ৰ সহায়ক ধনেশ্বৰ বাৰিকে কয় যে-সকলোৰে মতামত প্ৰকাশ কৰাৰ অধিকাৰ আছে। অপৰাজিতা সাৰংগীৰ কন্যাৰো নিজৰ মত প্ৰকাশ কৰাৰ সম্পূৰ্ণ অধিকাৰ আছে। অৰ্চিতাৰ ছ’চিয়েল মিডিয়া পোষ্টে ভুবনেশ্বৰ সাংসদগৰাকীক বিপদত পেলাইছে নেকি বুলি সোধা প্ৰশ্নতো বাৰিকে কয় যে- সেয়া সময়েহে ক’ব।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
