দ্য কনিজুৰিং ২০১৩ বৰ্ষৰ আটাইতকৈ জনপ্ৰিয় ভৌতিক ছবি৷ সমীক্ষাৰ মতে ২০১৩ বৰ্ষত হ’ৰৰ ছবি হিচাপে সৰ্বাধিক লোকে দৰ্শন কৰিছিল দ্য কনিজুৰিং৷
১৯৭১ চনৰ পেৰ’ন পৰিয়াল এটা যাদুকৰী বাসগৃহৰ সম্পৰ্কে ৱাৰেনছে কৰা এক তদন্তৰ প্ৰতিবেদনৰ ওপৰত ভিত্তি কৰি এই ছবিখন নিৰ্মাণ কৰা হৈছিল৷
হ’ৰৰ ছবিখন জনপ্ৰিয় হৈ উঠাৰ লগে লগে বষ্টনৰ এই বাসগৃহটোও ব্যাপকৰূপত জনপ্ৰিয় আৰু চৰ্চাৰ কেন্দ্ৰ হৈ পৰিছিল৷ এতিয়া সেই বাসগৃহটো পুনৰ সংবাদ মাধ্যমৰ চৰ্চালৈ আহিছে৷
লগতে পঢ়ক মুক্তিৰ পূৰ্বেই সংকটত আমিৰ খান-কৰীণা কাপুৰৰ নতুন ছবি লাল সিং চাদ্ধা! কিন্তু কিয়?
ৰ’ড আইছলেণ্ডৰ ২৮৬ বছৰীয়া এই বাসগৃহতো চলিত বৰ্ষত বিক্ৰী কৰা হৈছে৷ বাসগৃহটো প্ৰায় অভিলেখসংখ্যক ভাৰতীয় মূল্যত প্ৰায় ১১ কোটি টকাত বিক্ৰী কৰা হৈছে৷
বাসগৃহটো ১১ কোটি টকাত বিক্ৰী হোৱাৰ পিছতে ৱালষ্ট্ৰীট জাৰ্ণেল-এ প্ৰকাশ কৰিছে গৰাকীয়ে বিক্ৰীৰ বাবদত বিচৰাতকৈ প্ৰায় ২৭ শতাংশ অধিক মূল্য লাভ কৰিছে৷
বিক্ৰেতা জেন আৰু ক’ৰি হেইজেনে ২০১৯ চনত এই ঘৰটো ৪,৩৯,০০০ মাৰ্কিন ডলাৰত ক্ৰয় কৰি ২০১২ চনত ১.২ মিলিয়ন মাৰ্কিন ড’লাৰত বিক্ৰীৰ বাবে তেওঁলোকৰ ফেচবুক পেইজত ঘোষণা কৰিছিল৷কিন্তু তেওঁলোকক আচম্বিত কৰি ব’ষ্টনৰ ৰিয়েল ষ্টেট ব্যৱসায়ী জেকলিন নুনেজে ঘৰটো ১.৫২৫ মিলিয়ন মাৰ্কিন ড’লাৰত ক্ৰয় কৰে৷
লগতে পঢ়ক দেশজুৰি নিন্দিত ভগৱন্ত মান! দিন দুপৰতে কোনে হত্যা কৰিলে পঞ্জাৱী শিল্পী সিদ্ধুক?
ঘৰটো বিক্ৰী হোৱাৰ পিছতে ১৯৭১ ৰপৰা ১৯৮০ চনলৈ তাতে বাস কৰা আন্দ্ৰেয়া পেৰ’নে ৱালষ্ট্ৰীটৰ এক সাক্ষাৎকাৰত ঘৰটো হোৱা অভিজ্ঞতাৰ বিষয়ে বৰ্ণনা কৰিছে৷ পেৰ’নে দাবী কৰিছে ঘৰটোত থকা সময়ত তেওঁ বহু অধিভৌতিক তথা ভৌতুক অভিজ্ঞতাৰ সন্মুখীন হৈছিল৷
তেওঁ বিশ্বাস কৰে যে ঘৰটোৱে নতুন ক্ৰেতাজনক বাছি লৈছে। “মই বিশ্বাস কৰো যে ঘৰটোৱে আমাক বাছি লোৱাৰ দৰেই জেকলিনকো বাছি লৈছে। ঘৰটোৱে তাইৰ পোহৰ বিচাৰে।’’-পেৰ’নে কয়৷
অৱশ্যে, হেনজেন পৰিয়ালে প্ৰকাশ কৰিছে যে ক্ৰেতা জেকলিনে ঘৰটোত নাথাকিব। ইয়াৰ পৰিৱৰ্তে জেকলিনে পেৰ’নৰ সৈতে ঘৰটোত অনুষ্ঠিত হ’বলগীয়া বিশেষ অনুষ্ঠানৰ বাবে টিম আপ কৰাৰ পৰিকল্পনাহে কৰিছে বুলি প্ৰকাশ পাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
