মানৱেন্দ্ৰ কুমাৰ দাসঃ শ্বেয়াৰ বজাৰৰ প্ৰাথমিক কিছু বিষয় পূৰ্বৰ লেখাত আলোচনা কৰা হৈছে। আজি আমি শ্বেয়াৰ বজাৰত ধন উপাৰ্জন কৰাৰ সুযোগ সম্পৰ্কে আলোচনা কৰিম। আমাৰ জীৱনত সোণালী সুযোগ বাৰম্বাৰ নাহে বুলি এষাৰ কথা আছে। কিন্তু শ্বেয়াৰ বজাৰত এই কথাষাৰ প্ৰযোজ্য নহয়। কিয়নো শ্বেয়াৰ বজাৰত অধিক লাভ আৰ্জনৰ সুযোগ সুবিধা বাৰে বাৰে আহে।
অৱশ্যে এই সুযোগ সুবিধা বুজিবলৈ কিছু সময়ৰ প্ৰয়োজন হয়। অৰ্থাৎ শ্বেয়াৰ বজাৰ সম্পৰ্কত সাধাৰণ জ্ঞান থকা লোকে একেৰাহে ছয় মাহ সময় ইয়াৰ গতিবিধি লক্ষ্য কৰিলে সুযোগ সুবিধাসমূহ স্পষ্ট হৈ উঠে। আৰু সেই সময়ত বিনিয়োগ কৰিলে ২/৩ মাহৰ ভিতৰত বিনিয়োগ কৰা ধন দুগুণ পৰ্যন্ত বৃদ্ধি হোৱাৰ সম্ভাৱনা থাকে। কিন্তু এইখিনিতে প্ৰশ্ন হয়— এই সুযোগ সুবিধা কেতিয়া আৰু কেনেকৈ আহে?
লগতে পঢ়ক যুদ্ধ বিধ্বস্ত ইউক্ৰেইনত আৰু এগৰাকী ভাৰতীয় শিক্ষাৰ্থীৰ মৃ্ত্যু
ইয়াৰ পূৰ্বে ইতিমধ্যে আলোচনা কৰা হৈছে যে, শ্বেয়াৰ বজাৰত কোনো এটা কোম্পানীৰ শ্বেয়াৰ কিনা দামতকৈ অধিক দামত বিক্ৰী কৰাটোৱেই ব্যৱসায়। কোনো এটা কোম্পানীৰ শ্বেয়াৰ কিমান দামত কিনি কিমান দামত বিক্ৰী কৰা হ’ব সেইটো প্ৰতিগৰাকী লোক বা ট্ৰেডাৰ (শ্বেয়াৰ কিনা বেচা কৰোতা) ভেদে ভিন্ন হয়। তাৰ মাজতো লক্ষ্য কৰিবলগীয়া কথাটো হ’ল— সকলো কোম্পানীৰ শ্বেয়াৰৰ মূল্য এক নিৰ্দিষ্ট পৰিসৰত বঢ়া টুটা হয়।
লগতে পঢ়ক যুদ্ধ বিধ্বস্ত ইউক্ৰেইনত পাকিস্তানী আৰু তুৰ্কী শিক্ষাৰ্থীৰ হাতত ভাৰতৰ জাতীয় পতাকা কিয়?
এটা উদাহৰণ দিছো। ধৰা হ’ল কোনো এজন লোকে ক’ল ইণ্ডিয়া কোম্পানীৰ শ্বেয়াৰ কিনা বেচা কৰিব বিচাৰিছে। তেতিয়া তেওঁ জানিব লাগিব এই শ্বেয়াৰটোৰ দাম কিমানলৈ হ্ৰাস হয় বা কমে আৰু কিমানলৈ বাঢ়ে। ক’ল ইণ্ডিয়া কোম্পানীৰ শ্বেয়াৰৰ দাম ১২৫ টকালৈ হ্ৰাস হ’ব পাৰে আৰু বাঢ়িল ১৯০ টকা পৰ্যন্ত হয়। অৱশ্যে এয়া সময় সাপেক্ষহে। এই পৰিসৰ চিৰন্তন নহয়। ২০২২ চনৰ ডিচেম্বৰ মাহলৈকে ক’ল ইণ্ডিয়া কোম্পানীৰ শ্বেয়াৰৰ উঠা নমা এই পৰিসৰত থকাৰ সম্ভাৱনা অধিক।
ইয়াৰ পৰা এইটো স্পষ্ট হৈ উঠিছে যে, ক’ল ইণ্ডিয়া কোম্পানীৰ শ্বেয়াৰ ১২৫ টকা দৰত কিনিব পাৰিলে কম সময়ত অধিক লাভৰ সুযোগ থাকিব। সকলো শ্বেয়াৰৰ ক্ষেত্ৰত এই সূত্ৰ প্ৰযোজ্য হয়।
লগতে পঢ়ক ৰাছিয়া-ইউক্ৰেইন যুদ্ধ :কুফল ভুগিব ভাৰতে! কি হ’ব এছ-400 এয়াৰ ডিফেন্স ছিষ্টেমৰ?
এটা শ্বেয়াৰ বছৰটোৰ সৰ্বনিম্ন দৰত কিনিব পৰাটোৱে হৈছে সুযোগ আৰু তেতিয়া সৰ্বাধিক দামত বিক্ৰী কৰাৰ সুবিধা আহে। সাধাৰণতে এবছৰত এনে সুযোগ সুবিধা তিনিবাৰ পৰ্যন্ত আহিব পাৰে। ইয়াক পেছাদাৰী ট্ৰেডাৰসকলে — শ্বেয়াৰ বজাৰত ধনৰ উজান উঠা বুলি কয়। অন্য অৰ্থত শ্বেয়াৰ বজাৰত টকাৰ উজান আহে।
যোৱা এসপ্তাহৰ পৰা ভাৰতীয় শ্বেয়াৰ বজাৰত বেছি ভাগ কোম্পানীৰ শ্বেয়াৰৰ দাম যথেষ্ট কমিছে। মূলতঃ ৰাছিয়া আৰু ইউক্ৰেইনৰ মাজত উদ্ভৱ হোৱা সামৰিক সংঘাট অথবা যুদ্ধৰ বাবে ভাৰতীয় শ্বেয়াৰ বজাৰত এক নিম্নমুখী ধাৰা চলিছে। কিন্তু এয়া সাময়িক। ইয়াৰ পিছত ভাৰতীয় শ্বেয়াৰ বজাৰ তীব্ৰ গতিত উৰ্ধমুখী হ’ব। গতিকে এই স্তৰত শ্বেয়াৰ কিনিব পাৰিলে অধিক লাভ আৰ্জনৰ সুযোগ সুবিধা থাকিব। সেইবাবে বহুতে শ্বেয়াৰ বজাৰত টকাৰ উজান উঠা বুলি ক’ব বিচাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
