ইণ্ডিয়া বুলিয়ন এণ্ড জুৱেলাৰ্ছ এছ’চিয়েশ্যন (IBJA)ৰ তথ্য অনুসৰি, আজিও সোণ আৰু ৰূপৰ মূল্যত লক্ষণীয়ভাৱে হ্ৰাস পোৱা দেখা গৈছে। এক কিলোগ্ৰাম ৰূপৰ দাম ১০,৩১৮ টকা কমি ২.২৭ লাখ টকালৈ নামি আহিছে। সোমবাৰে এক কিলোগ্ৰাম ৰূপৰ মূল্য ২.৩৭ লাখ টকা আছিল। একেদৰে, ২৪ কেৰেটৰ ১০ গ্ৰাম সোণৰ মূল্য ২,৩১৫ টকা হ্ৰাস পাই ১.৪৫ লাখ টকালৈ নামি আহিছে। ২২ জুনত ইয়াৰ মূল্য ১.৪৭ লাখ টকা আছিল। চলিত মাহত সোণৰ মূল্য ১০,৫৪১ টকা আৰু ৰূপৰ মূল্য ৩৫,৭৬৭ টকা কমিছে। ১ জুনত ১০ গ্ৰাম সোণৰ মূল্য ১.৫৬ লাখ টকা আৰু এক কিলোগ্ৰাম ৰূপৰ মূল্য ২.৬৩ লাখ টকা আছিল।
চলিত বৰ্ষত ১.৫৮ লাখ টকা পৰ্যন্ত কমিছে ৰূপৰ দাম
চলিত বৰ্ষত সোণ আৰু ৰূপৰ মূল্যত যথেষ্ট উঠা-নমা দেখা গৈছে। বিগত বৰ্ষৰ ৩১ ডিচেম্বৰত সোণৰ মূল্য আছিল ১.৩৩ লাখ টকা। চলিত বৰ্ষৰ ২৯ জানুৱাৰীত ইয়াৰ মূল্য বৃদ্ধি পাই সৰ্বোচ্চ ১.৭৬ লাখ টকালৈ উঠিছিল। সেই স্তৰৰ পৰা এতিয়ালৈকে সোণৰ মূল্য ৩১,১২৬ টকা হ্ৰাস পাইছে। আনহাতে, চলিত বৰ্ষৰ ৩১ ডিচেম্বৰত ৰূপৰ মূল্য ২.৩০ লাখ টকা আছিল। ২৯ জানুৱাৰীত ই বৃদ্ধি পাই ৩.৮৬ লাখ টকালৈ উঠিছিল, যিটো আছিল ৰূপৰ সৰ্বকালীন সৰ্বোচ্চ মূল্য আছিল। সেই সময়ৰ পৰা প্ৰায় ১৪৫ দিনৰ ভিতৰত ৰূপৰ মূল্য ১.৫৮ লাখ টকালৈ হ্ৰাস পাইছে।
সোণ-ৰূপৰ আমদানি শুল্ক ৬%ৰ পৰা ১৫%লৈ বৃদ্ধি
কেন্দ্ৰীয় চৰকাৰে সোণ আৰু ৰূপৰ আমদানিৰ ওপৰত আৰোপ কৰা শুল্ক ৬%ৰ পৰা বৃদ্ধি কৰি ১৫% কৰিছে। চৰকাৰৰ মতে, বিদেশৰ পৰা ক্ৰয় কমোৱা আৰু বৈদেশিক মুদ্ৰাৰ ভাণ্ডাৰৰ ওপৰত পৰা চাপ হ্ৰাস কৰাই এই সিদ্ধান্তৰ মূল উদ্দেশ্য আছিল। আমেৰিকা-ইৰান সংঘাতৰ মাজতে চৰকাৰে এই পদক্ষেপ গ্ৰহণ কৰিছিল। চৰকাৰে সোণৰ ওপৰত ১০% মৌলিক কাষ্টম ডিউটি (Basic Custom Duty) আৰু ৫% কৃষি আন্তঃগাঁথনি আৰু উন্নয়ন উপকৰ (AIDC) আৰোপ কৰিছে। ফলত মুঠ প্ৰভাৱশালী কৰৰ হাৰ ১৫% হৈছে। উল্লেখ্য যে, ২০২৪ চনৰ কেন্দ্ৰীয় বাজেটত বিত্তমন্ত্ৰী নিৰ্মলা সীতাৰমণে আমদানি শুল্ক ১৫%ৰ পৰা হ্ৰাস কৰি ৬% কৰিছিল।
সোণ কিনাৰ সময়ত এই দুটা কথা মনত ৰাখক
১. কেৱল প্ৰমাণিত (Certified) সোণ ক্ৰয় কৰক
সদায় ভাৰতীয় মানক ব্যুৰো (BIS)-ৰ হলমাৰ্কযুক্ত প্ৰমাণিত সোণহে ক্ৰয় কৰক। হলমাৰ্ক নম্বৰ সাধাৰণতে AZ4524ৰ দৰে আলফানিউমেৰিক হয়। এই হলমাৰ্কে সোণৰ বিশুদ্ধতা আৰু কেৰেটৰ মান নিশ্চিত কৰে।
২. মূল্য ভালদৰে মিলাই চাওক
সোণ কিনাৰ আগতে তাৰ ওজন আৰু সেইদিনাৰ বজাৰ মূল্য বিভিন্ন নিৰ্ভৰযোগ্য উৎসৰ সৈতে মিলাই চাওক। উদাহৰণস্বৰূপে, ইণ্ডিয়া বুলিয়ন এণ্ড জুৱেলাৰ্ছ এছ’চিয়েশ্যনৰ তথ্য ব্যৱহাৰ কৰিব পাৰে। ২৪ কেৰেট, ২২ কেৰেট আৰু ১৮ কেৰেট সোণৰ মূল্য বেলেগ বেলেগ হয়, সেয়েহে ক্ৰয়ৰ আগতে সঠিক দাম নিশ্চিত কৰা উচিত।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
