বাহনখনৰ নম্বৰ প্লেটৰ দামতেই কিনিব পাৰিব এখন বিলাসী বাহন৷ ডিডিচি ০১’ নামৰ এখন নম্বৰ প্লেটৰ বাবেই কোটি কোটি টকা ব্যয় কৰিছে অন্ধ্ৰপ্ৰদেশৰ গুনটুৰৰ এগৰাকী বাসিন্দা৷ ২.০৮ কোটি টকাৰে নিলাম কৰা সেই ভি আই পি নম্বৰ প্লেটখন আলোচনাৰ বিষয়বস্তু হৈছে সামাজিকমাধ্যমত৷ নিলামত বিক্ৰি হোৱা সকলোতকৈ ব্যয়বহুল নম্বৰসমূহৰ মাজত এটা হৈছে ডিডিচি ০১৷
সংবাদ প্ৰতিবেদন অনুসৰি বিলাসবহুল সংগ্ৰহ নিলামত এই নম্বৰ প্লেটখন বিক্ৰি হৈছে৷ এই ভিনটেজ নম্বৰ প্লেটখনৰ মালিকানা আছিল যতীন আগুজা নামৰ এজন ব্যক্তিৰ৷ অন্ধ্ৰপ্ৰদেশৰ গুনটুৰৰ বাসিন্দা কিৰণ কোলপাকুলা নামৰ এজন ব্যক্তিয়ে নিলামত ২.০৮ কোটি টকাৰ দৰপত্ৰ জমা দিছিল৷ শেষ পৰ্যন্ত তেওঁ বিজয়ী হয়৷
নিলামকাৰী সংস্থাই তেওঁৰ ইনষ্টাগ্ৰামৰ একাউণ্টৰ পৰা নম্বৰ প্লেট নিলামৰ দৰপত্ৰ প্ৰকাশ কৰি জনাইছে, ‘আমি ভাৱিবই পৰা নাছিলো এনে ধৰণৰ ঘটনা ঘটিব বুলি৷ ইতিহাস তৈয়াৰ হৈছে৷’ ২০২২চনৰ ডিচেম্বৰত যতীনে তেওঁৰ ভিআইপি নম্বৰ প্লেটসহ নতুন বাহনৰ এখন ছবিও সামাজিকমাধ্যমত শ্বেয়াৰ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
