সিদ্ধাৰ্থ মলহোত্ৰা আৰু তমন্না ভাটিয়াক মুখ্য চৰিত্ৰত লৈ নিৰ্মাণ কৰা ছবি ‘The Vvaan: Force of the Forrest’ক লৈ দৰ্শকৰ মাজত উৎসাহ বৃদ্ধি পাইছে। ছবিখনৰ কাহিনী, লোককথাৰ আধাৰত কৰা উপস্থাপন আৰু মনোমোহা দৃশ্যাংশই দৰ্শকৰ দৃষ্টি আকৰ্ষণ কৰিছে। ছবিখন মুক্তিৰ পিছতে ছ’চিয়েল মিডিয়া প্লেটফৰ্মত বহু দৰ্শকে নিজৰ প্ৰতিক্ৰিয়া প্ৰকাশ কৰিছে। একাংশ দৰ্শকে ছবিখনৰ কাহিনী আৰু পৰিৱেশক বিস্ফোৰক বুলি অভিহিত কৰাৰ লগতে কাহিনীটো যথেষ্ট ‘Unpredictable’ বুলি মন্তব্য কৰিছে।
বিশেষকৈ ছবিখনত ভাৰতীয় লোককথা আৰু পৌৰাণিক বিশ্বাসৰ উপাদানসমূহক আধুনিক চিনেমাৰ ভাষাৰে উপস্থাপন কৰাৰ শৈলীক অধিকাংশ দৰ্শকে প্ৰশংসাৰে উপচায় দিছে। ছবিখনৰ ভিজুৱেল, দৃশ্য নিৰ্মাণ আৰু পৰ্দাত সৃষ্টি কৰা ৰহস্যময় পৰিৱেশো দৰ্শকৰ আলোচনাৰ অন্যতম বিষয় হৈ পৰিছে। সিদ্ধাৰ্থ মলহোত্ৰাৰ অভিনয়ক লৈও ছ’চিয়েল মিডিয়াত ইতিবাচক প্ৰতিক্ৰিয়া দেখা গৈছে। আনহাতে, তমন্না ভাটিয়াৰ চৰিত্ৰ আৰু অভিনয়েও দৰ্শকৰ মনোযোগ আকৰ্ষণ কৰিছে।
‘The Vvaan: Force of the Forrest’ৰ কাহিনীত লোককথা, ৰহস্য আৰু কল্পনাৰ এক বিশেষ সংমিশ্ৰণ দেখা যায়। সেয়ো এই ছবিখন কেৱল প্ৰচলিত বলীউডৰ সাধাৰণ মূলধাৰাৰ ছবিৰ দৃষ্টিৰে চাবলৈ গলে হয়তো ভাল নাপাব। মুঠতে, মুক্তিৰ পিছতে ছবিখনক লৈ হোৱা ইতিবাচক চৰ্চাই ‘The Vvaan: Force of the Forrest’ক দৰ্শকৰ মাজত কৌতূহল বৃদ্ধি কৰিছে। বিশেষকৈ লোককথা, শক্তিশালী ভিজুৱেল আৰু শেষলৈকে কি হ’ব সেয়া সহজে অনুমান কৰিব নোৱাৰা কাহিনীয়ে ছবিখনৰ প্ৰতি আগ্ৰহ বৃদ্ধি কৰা দেখা গৈছে।
‘পঞ্চায়ত’ৰ দৰে গাঁৱৰ জীৱন, গাঁৱৰ ৰাজনীতি, মানুহৰ সম্পৰ্ক আৰু দৈনন্দিন সমস্যাক অতি বাস্তৱিকভাৱে পৰ্দাত তুলি ধৰা পৰিচালক দীপক কুমাৰ মিশ্ৰই এইবাৰ সম্পূৰ্ণ বেলেগ ধৰণৰ ছবি লৈ আহিছে। তেওঁৰ এই ছবিখন বৃহৎ পৰিসৰৰ ফেণ্টাচী আৰু ছুপাৰনেচাৰেল একচন ছবি। ছবিখনত আছে প্ৰাচীন দেৱী, ভয়ংকৰ অলৌকিক শক্তি, লোভী ভূমি মাফিয়া, নিজৰ ভাগ্যৰ পৰা আঁতৰি থাকিব বিচৰা এজন নায়ক আৰু হাজাৰ বছৰ পুৰণি এক কিংবদন্তি প্ৰচলিত কাহিনী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
