ফ’ৰ্বছ-এ যোৱা ১২ টা মাহত সৰ্বাধিক ধন উপাৰ্জনকাৰী এথলিটসকলৰ তালিকা প্ৰকাশ কৰিছে৷ ফ’ৰ্বছ ২০২২ৰ তালিকাত সৰ্বাধিক ধন উপাৰ্জনকাৰী শীৰ্ষত আছে বৰ্তমান বিশ্ব ফুটবলৰ অন্যতম শ্ৰেষ্ঠ ফুটবলাৰ আজেণ্টিনাৰ লিয়নেল মেছি৷ ২০২১ বৰ্ষৰো বেলন ড’ৰ বঁটা লাভ কৰা মেছিয়ে বাৰ্চিলোনা ত্যাগ কৰি পেৰিছ ছেণ্ট-জাৰ্মেইনত যোগদান কৰি এইবাৰ আটাইতকৈ উপাৰ্জনকাৰী খেলুৱৈৰ তালিকাৰ শীর্ষত আছে৷ মেছিয়ে খেলপথাৰৰ পৰা ৭৫ মিলিয়ন মাৰ্কিন ড’লাৰ লাভ কৰাৰ বিপৰীতে বিভিন্ন বিজ্ঞাপনৰ লাভ কৰা ধনৰ পৰিমাণ হ’ল ৫৫ মিলিয়ন মাৰ্কিন ড’লাৰ৷ বিগত বৰ্ষত মেছিৰ মুঠ উপাৰ্জন হৈছে ১৩০ মিলিয়ন মাৰ্কিন ড’লাৰ৷
ফ’ৰ্বছৰ এই তালিকাৰ দ্বিতীয় স্থানত আছে আমেৰিকাৰ বাস্কেটবল খেলুৱৈ লেব্ৰণ জেমছ৷ জেমছে বিগত বৰ্ষৰ উপাৰ্জন কৰিছে ১২১ মিলিয়ন মাৰ্কিন ড’লাৰ৷ জেমছৰ খেলৰ পৰা উপাৰ্জনৰ পৰিমাণ হৈছে ৪১.২ মিলিয়ন মাৰ্কিন ড’লাৰ৷ আনহাতে বিজ্ঞাপনৰ পৰা উপাৰ্জন কৰিছে ৮০ মিলিয়ন মাৰ্কিন ড’লাৰ৷
লগতে পঢ়ক অসমীয়া ভাষালৈ স্বীকৃতি! গুগ’লত উপলব্ধ হ’ল অসমীয়া ভাষা
তালিকাৰ তৃতীয় স্থানত আছে বিশ্ব আন এগৰাকী অন্যতম শ্ৰেষ্ঠ ফুটবলাৰ পটুৰ্গীজৰ ক্ৰিষ্টিয়ানো ৰ’ণাল্ডো৷ পূৰ্বতে তালিকাৰ শীৰ্ষত থকা ৰণাল্ডোৱে বিগত বৰ্ষত উপাৰ্জন কৰিছে ১১৫ মিলিয়ন মাৰ্কিন ড’লাৰ৷ ৰ’ণাল্ডোৱে খেলপথাৰৰ পৰা ৬০ মিলিয়ন মাৰ্কিন ড’লাৰ উপাৰ্জন কৰাৰ বিপৰীতে বিজ্ঞাপনৰ লগতে অন্য ক্ষেত্ৰৰ পৰা ৫৫ মিলিয়ন মাৰ্কিন ড’লাৰ উপাৰ্জন কৰিছে৷
লগতে পঢ়ক চৰকাৰী চিকিৎসালয়তে গৰ্ভৱতী মহিলাক ধৰ্ষণ কৰ্মচাৰীৰ
বিশ্বৰ অন্য এগৰাকী শ্ৰেষ্ঠ ফুটবলাৰ ব্ৰাজিলৰ নেইমাৰে আছে তালিকাৰ চতুৰ্থ স্থানত৷ নেইমাৰে খেলপথাৰৰ পৰা ৭০ মিলিয়ন মাৰ্কিন ড’লাৰ উপাৰ্জন কৰাৰ বিপৰীতে বিজ্ঞাপনসহ বিভিন্ন ক্ষেত্ৰৰ পৰা ২৫ মিলিয়ন মাৰ্কিন ড’লাৰ উপাৰ্জন কৰিছে৷ বিগত বৰ্ষত তেওঁৰ মুঠ উপাৰ্জনৰ পৰিমাণ হৈছে ৯৫ মিলিয়ন মাৰ্কিন ড’লাৰ৷
তালিকাৰ পঞ্চম স্থানত আছে মাৰ্কিন বাস্কেটবল খেলুৱৈ ষ্টিফেন কাৰীয়ে৷ ষ্টিফেনে বিগত বৰ্ষত ৯২.৮ মিলিয়ন মাৰ্কিন ড’লাৰ উপাৰ্জন কৰিছে৷ ষ্টীফেনে খেলপথাৰৰ পৰা ৪৫.৮ মিলিয়ন আৰু বিজ্ঞাপন আৰু বিভিন্ন উৎসৰ পৰা ৪৭ মিলিয়ন মাৰ্কিন ড’লাৰ উপাৰ্জন কৰিবলৈ সক্ষম হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
