এমাহ পূৰ্বৰে পৰাই দেখা দিব পাৰে হাৰ্ট এটেকৰ বিপদ সংকেতে! কি কি লক্ষণ দেখিলে সতৰ্ক হ’ব?

পৃথিৱীৰ সকলোতকৈ বেছি মৃত্যুৰ কাৰণেই হৃদৰোগ৷ ইয়াৰ মাজত এক ডাঙৰ অংশৰ মানুহৰ মৃত্যু হয় সঠিক সময়ত চিকিৎসা নকৰাৰ বাবে৷ হৃদৰোগত আক্ৰান্ত হোৱাৰ লগে লগেই যদি চিকিৎসা আৰম্ভ কৰা যায় তেতিয়া বহু ক্ষেত্ৰতেই ৰোগীক সুস্থ কৰি তোলা সম্ভৱ৷ কিন্তু বহুতেই হাৰ্ট এটেকৰ প্ৰাথমিক লক্ষণসমূহক উপেক্ষা কৰে৷ বিশেষজ্ঞৰ মতে হৃদৰোগৰ কিছু লক্ষণ এমাহ পূৰ্বেও দেখা দিব পাৰে৷ যাৰ চিহ্নিত কৰি সতৰ্ক হলেই এই বিপদৰ পৰা হাত সাৰিব পাৰি৷

বুকুৰ বিষ বা অস্বস্তি

হাৰ্ট এটেকৰ এটা প্ৰধান লক্ষণ হৈছে বুকুৰ মাজত বা বাওঁফালে চাপ, চেপি ধৰা অনুভৱ, বিষ বা জ্বলাপোৰা অনুভূত হোৱা৷ এই বিষ কেইবামিনিট ধৰি স্থায়ী হব পাৰে৷

শ্বাসকষ্ট

বুকুৰ বিষৰ ওপৰিও বিষৰ সৈতে শ্বাসকষ্ট হ’ব পাৰে৷ মনত দমবন্ধ হৈ যোৱা ধৰণৰ অনুভৱ আহিব পাৰে৷ হৃদযন্ত্ৰ ঠিকমতে কাম নকৰিলে দেহত অক্সিজেন সৰবৰাহ হ্ৰাস পায়৷ ফলত শ্বাসকষ্ট হয়৷

অস্বাভাৱিক ক্লান্তি

হৃদৰোগৰ ক্ষেত্ৰত বহু সময়ত ৰোগীয়ে অলপতেই ক্লান্ত হ’ব পাৰে৷ কিছুক্ষণ ধৰি কাম কৰিলে বুকু ধৰফৰাই থাকিব পাৰে৷ এই ধৰণৰ উপসৰ্গই জনাই যিয়ে যে আপোনাৰ হৃদযন্ত্ৰই ঠিকমতে কাম কৰিছেনে নাই৷ বিশেষকৈ মহিলাসকলৰ হাৰ্টৰ সমস্যাৰ এয়া প্ৰধান লক্ষণ৷

টোপনিত ব্যাঘাত বা অস্থিৰতা

বহুতৰেই হাৰ্ট এটেকত পূৰ্বৰ দিনসমূহত টোপনিত ব্যাঘাত ঘটে৷ ঘনে ঘনে টোপনি ভাঙি যায় অথৱা নিশা অস্বাভাৱিক অস্থিৰতা অনুভৱ কৰে৷

অনিয়মিত হৃদস্পন্দন

অনিয়মিত হৃদস্পন্দনৰ কাৰণে হৃদযন্ত্ৰই ৰক্ত পাম্প কৰাৰ ক্ষমতা হেৰুৱাই৷ ফলত হঠাৎ হৃদস্পন্দন বন্ধ হৈ যোৱাত ৰোগীৰ প্ৰাণ হেৰুওৱাৰ আশংকা থাকে৷

 বমি বমি ভাৱ, পেটত অস্বস্তি

হাৰ্ট এটেকৰ লক্ষণসমূহ সকলো সময়তে বুকুৰ মাজত সীমাবদ্ধ নাথাকে৷ বিশেষকৈ মহিলা আৰু বয়স্কসকলে হাৰ্ট এটেকৰ পূৰ্বৰ দিনসমূহত বমি বমি ভাৱ, বদহজম, পেট ফোলা পেটত বিষ অনুভৱ কৰিব পাৰে৷