আমাৰ আশেপাশে এনে বহু লোক আছে, যিসকলে ভাল টকা উপাৰ্জন কৰিলেও মাহৰ শেষত হাত একেবাৰেই খালি হৈ পৰে৷ তেওঁলোকৰ হাতত মাহৰ শেষত কোনো টকাই নাথাকে৷ মাহৰ শেষত ধাৰো ল’বলগীয়া পৰিস্থিতি আহি পৰে৷ কিন্তু কোনোৱে যদি নিজৰ ভৱিষ্যৎ উন্নত কৰিব খোজে তেন্তে মাহৰ শেষত কিছু ধন জমা ৰখাটো নিতান্তই প্ৰয়োজন৷ কিন্তু কেনেকৈ সঞ্চয় কৰিব তাৰবাবে এটা আৰ্থিক কৌশল মানি চলাটো খুবেই প্ৰয়োজন৷ নতুন বছৰতেই আমি সঞ্চয়ৰ পৰিকল্পনা কৰি আগবাঢ়িব পাৰো৷ এই ১০ টা বিশেষ আৰ্থিক নিয়ম মানি চলি কেইবছৰৰ ভিতৰতেই বেংক একাউণ্টত মোটা অংকৰ ধন সঞ্চয় কৰিব পাৰো৷ ইয়াৰ ফলত আপোনাৰ জীৱনত কাহানিও আৰ্থিক সংকট নাহে৷ কোনো সমস্যাতো নপৰে আপুনি৷
১) মাহিলী বাজেট
পূৰ্বে অৰ্থাৎ আগৰ দিনত আমাৰ প্ৰায়সমূহ লোকৰ ঘৰতেই মাহিলী বাজেট তৈয়াৰ হৈছিল৷ সেই অনুসৰি ঘৰ চলিছিল৷ কিন্তু এতিয়া দৰমহা অহাৰ লগে লগে আমাৰ চাহিদা পূৰাবলৈ আমি দ্ৰুত অনলাইন পেমেণ্ট কৰি ধন খৰচ কৰি পেলাও৷ কোনোৱে যদি ধন সঞ্চয় কৰিব খোজে তেন্তে প্ৰথমে এখন বাজেট তৈয়াৰ কৰক৷ অপ্ৰয়োজনীয় খৰচ বন্ধ কৰক৷ প্ৰতিমাহে সঞ্চয় কৰাৰ অভ্যাস গঢ়ি তোলক৷
২) জৰুৰী তহবিল প্ৰস্তুত
জীৱনত প্ৰত্যেকজন মানুহেই কোনোবা নহয় কোনোবা সময়ত জৰুৰী পৰিস্থিতিৰ মুখামুখি হয়৷ সেয়া স্বাস্থ্যৰ বাবেই হওক বা অন্য জৰুৰী পৰিস্থিতি৷ এই পৰিস্থিতিৰ বাবে আপুনি অলপমান হ’লেও ধন সঞ্চয় কৰক৷ এই সঞ্চয়ে কঠিন সময়ত আপোনাক সহায় কৰিব৷
৩) ক্ৰেডিট কাৰ্ড সাবধানে ব্যৱহাৰ কৰক
ক্ৰেডিট কাৰ্ডত বিভিন্ন অফাৰ পোৱা যায়৷ কিন্তু ডিছকাউণ্ট আৰু অফাৰৰ কাৰণেই অপ্ৰয়োজনীয়ভাৱে ধন খৰচ নকৰিব৷ বহু সময়ত ব্যয় ইমান বেছি হয় যে তেওঁলোকে গ্ৰেছ পিৰিয়ডৰ মাজতো ক্ৰেডিট কাৰ্ডত ব্যয় কৰা অৰ্থ পৰিশোধ কৰিব নোৱাৰে৷ তাৰপৰা ঋণৰ বোজা দিনে দিনে বাঢ়ি যায়৷ যদি কোনোৱে ক্ৰেডিট কাৰ্ড ব্যৱহাৰ কৰে তেন্তে বুদ্ধিৰে সৈতে পৰিচালনা কৰক৷
৪)ঘৰত ধন সঞ্চয় নকৰি বিনিয়োগত কৰক
কোনোৱে যদি প্ৰতি মাহে ধন সঞ্চয় কৰে আৰু ঘৰৰ আলমাৰি বা লকাৰত এই ধন ৰাখে তেন্তে সেই টকা সময়ত আকৌ উলিয়াই দিয়ে ফলত ধন সঞ্চয় নহয়৷ কিন্তু যদি কোনোৱে এই ধন কৰোবাত বিনিয়োগ কৰে তেতিয়া সেই ধন মন গ’লেও নিৰ্দিষ্ট সময়ৰ আগত উঠাই ল’ব নোৱাৰে৷ ইয়াৰোপৰি জমা ধনৰ ওপৰত সুদো লাভ কৰে৷ সেয়ে প্ৰতিমাহে আপুনি কৰোবাত ধন বিনিয়োগো কৰিব পাৰে৷
৫)বিভিন্ন লক্ষ্য
জীৱনত বিভিন্ন লক্ষ্য পূৰণ কৰা খুবেই গুৰুত্বপূৰ্ণ৷ নিজৰ সমস্ত প্ৰয়োজন পূৰণ কৰাৰ বাবে সময়ে সময়ে অৰ্থৰ প্ৰয়োজন হ’ব পাৰে৷ সেয়ে নিজৰ অৰ্থ দীৰ্ঘম্যাদি আৰু স্বল্পম্যাদি বিনিয়োগত ভাগ কৰিব পাৰে৷ আৰু আপোনাৰ যদি মাজে মাজে অৰ্থৰ প্ৰয়োজন হৈয়েই থাকে তেন্তে স্বল্পম্যাদি বিনিয়োগ কৰক৷
৬)অৱসৰৰ বাবে পৰিকল্পনা নিশ্চিত কৰক
৭)স্বাস্থ্য আৰু জীৱন বীমা
৮)অযথা ব্যয় এৰাই চলক
৯)নিজৰ আয়ৰ পথ বঢ়াওক
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
