অসম লাইভ২৪ঃ ৰাজকীয় আয়োজন৷ অয়েষ্টাৰ, চেমন, বিফ, স্কোয়াব, ডাক, চিকেন, পাৰ্ছনিপ পিউৰি… শেষত ভিক্টোৰিয়া পুডিং৷ ৰাজকীয় খাদ্য৷ এই আয়োজনত আচৰিত হ’বলগীয়াও কথা নাই৷ কাৰণ এইখন পৃথিৱীৰ আটাইতকৈ বিলাসী জাহাজ আছিল৷ সেই জাহাজৰ ফাৰ্ষ্ট ক্লাছৰ ধনকুবেৰ যাত্ৰীসকলৰ নৈশভোজৰ এইখন মেনু আছিল৷ মেনুকাৰ্ডখনত ৰঙা ৰং ধৰিছে৷ তাতেই খাদ্যৰ নামসমূহ এতিয়াও পঢ়িব পৰা হৈ আছে৷ কাৰ্ডখনৰ সোঁফালে লিখা আছে এপ্ৰিল ১১, ১৯১২ চন!
মেনু কাৰ্ডখন আৰএমএছ টাইটানিকৰ৷ পৃথিৱীত এনে প্ৰকাণ্ড জাহাজ পূৰ্বে তৈয়াৰ হোৱা নাছিল৷ বিশেষজ্ঞসকলে কৈছিল এই জাহাজ কেতিয়াও ডুব নাযাব৷ যদিও ব্ৰিটেইনৰ ছাউদাম্পটনৰ পৰা নিউয়ৰ্কগামী জাহাজখন প্ৰথম যাত্ৰাপথতেই বিপৰ্যয়ৰ সন্মুখীন হয়৷ ১৯১২ চনক ১৪ এপ্ৰিলত উত্তৰ আটলাণ্টিক মহাসাগৰত এটা প্ৰকাণ্ড বৰফৰ টুকুৰাত ধাক্কা লাগি টাইটানিক দুভাগত বিভক্ত হৈ পৰে৷ লগে লগেই ডুব যায় টাইটানিক৷ প্ৰাণ হেৰুৱাই কমপক্ষেও ১৫০০ জনে৷ যিসকলৰ লাইফজেকেট আছিল তেওঁলোকৰ জীৱন ৰক্ষা পৰিল যদিও সাগৰীয় জীৱৰ খাদ্য হৈ পৰিল বহুজন৷ এই টাইটানিকৰেই এখন মেনু উদ্ধাৰ হৈছে৷ ১১১ বছৰ পুৰণি এই মেনু ভাইৰেল হোৱাৰ লগে লগেই নিলামত উঠিছে মেনুখন৷ মেনুখনৰ দাম হৈছে ৮৩ হাজাৰ পাউণ্ড৷ ভাৰতীয় মুদ্ৰাত এই ধনৰাশিৰ পৰিমান হৈছে ৮৪.৫ লাখ৷
টাইটানিকৰ বিভিন্ন সামগ্ৰী বহু মানুহে সংৰক্ষণো কৰি ৰাখিছে৷ বিশেষজ্ঞসকলৰ দাবী যে এইসমূহ কোনো সংগ্ৰাহালয়ত ৰখা উচিত৷ কিছু সামগ্ৰী টাইটানিকৰ ধ্বংসস্তূপৰ পৰা পোৱা গৈছে৷ টাইটানিকত পোৱা মেনুত উল্লেখ আছে এবিধ বিশেষ খাদ্যৰ নাম৷ ভিক্টোৰিয়া পুডিং নামৰ খাদ্যবিধৰ বিষয়ে বহুতেই জানিব খুজিছে৷ এই পুডিং প্ৰকৃততে কেনেকুৱা? এই পুডিং হৈছে ৰাজকীয় এবিধ মিঠা ৰেচিপি৷ ময়দা, কণী, জেম, ব্ৰেণ্ডি, আপেল, চেৰী, চেনী মিহলাই এই পুডিং তৈয়াৰ কৰা হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
