বিদেশত নিৰ্মিত ছবিত ১০০% কৰ আৰোপ, আটাইতকৈ বেছি প্ৰভাৱিত হলীউড
বিদেশত নিৰ্মিত সকলো ছবিৰ ওপৰত ১০০% শুল্ক আৰোপ কৰা হ’ব বুলি ঘোষণা কৰিছে আমেৰিকাৰ ৰাষ্ট্ৰপতি ড’নাল্ড ট্ৰাম্পে। এই তথ্য তেওঁ নিজৰ ছ’চিয়েল মিডিয়া প্লেটফৰ্ম ট্ৰুথত শ্বেয়াৰ কৰিছে।
বাণিজ্য বিভাগ আৰু আমেৰিকাৰ বাণিজ্য প্ৰতিনিধিক তৎকালীনভাৱে এনে শুল্ক আৰম্ভ কৰিবলৈ কৰ্তৃত্ব প্ৰদান কৰিছে। অৱশ্যে ইয়াক কেনেদৰে কাৰ্যকৰী কৰা হ’ব সেই সন্দৰ্ভত তেওঁ কোনো সবিশেষ প্ৰকাশ কৰা নাই
ট্ৰাম্পে কয় যে, আমেৰিকাৰ চলচ্চিত্ৰ উদ্যোগটো অতি দ্ৰুতগতিত মৃত্যুমুখত পৰিছে। আমাৰ ছবি প্ৰযোজক আৰু ষ্টুডিঅ’ক আমেৰিকাৰ পৰা আঁতৰাই নিবলৈ আন দেশসমূহে সকলো সম্ভাৱ্য প্ৰৰোচনা আগবঢ়াইছে। হলিউড আৰু আমেৰিকা আন বহু অঞ্চল বিধ্বস্ত হৈ পৰিছে।
লগতে ইয়াকো কয় যে, বাণিজ্য বিভাগ আৰু আমেৰিকাৰ বাণিজ্য প্ৰতিনিধিক কৰ্তৃত্ব দিয়া হৈছে, তেওঁলোকে আমেৰিকাত প্ৰৱেশ কৰা বিদেশত নিৰ্মিত সকলো ছবিৰ ওপৰত ১০০% শুল্ক আৰোপ কৰাৰ প্ৰক্ৰিয়াটো তৎক্ষণাত আৰম্ভ কৰাৰ বাবে নিৰ্দেশনা জাৰি কৰিছে। কেৱল আমেৰিকাত নিৰ্মিত চিনেমা বিচাৰো!
আমেৰিকাৰ পিছতে চীন বিশ্বৰ দ্বিতীয় বৃহত্তম চলচ্চিত্ৰ উদ্যোগ, যদিও শেহতীয়া বছৰবোৰত ঘৰুৱা ছবিয়ে হলিউডৰ ছবিক আগুৰি ধৰিছে। গাৰ্ডিয়ানে প্ৰকাশ কৰা অনুসৰি ট্ৰাম্পে আৰোপ কৰা শুল্ক পশ্চিমীয়া ষ্টুডিঅ’সমূহৰ বাবে – বিশেষকৈ ৱাল্ট ডিজনী কোম্পানী, পেৰামাউণ্ট গ্ল’বেল আৰু ৱাৰ্নাৰ ব্ৰাদাৰ্ছ ডিস্কভাৰী ইনকৰ্পৰেশ্যনৰ বাবে এক বৃহৎ আঘাত হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
