কাইলৈ ১২ নৱেম্বৰ ২০২৪ মঙলবাৰে চন্দ্ৰই দিনে নিশাই মীন ৰাশিত বিৰাজ কৰিব৷ বৈদিক পঞ্জিকা অনুসৰি কাইলৈ কাতি মাহৰ শুক্লপক্ষৰ একাদশী তিথি৷ এই একাদশীক দেৱ উত্থানী একাদশী বুলি কোৱা হয়৷ শাস্ত্ৰ অনুসৰি কাইলৈ অৱসান ঘটিব চতুৰ্মাহৰ৷ বিষ্ণুৰ টোপনি ভঙাৰ বাবে সকলো শুভ কাম সম্পন্ন হ’ব৷ কাইলৈ বিয়লি ৪ বাজি ৪ মিনিট পৰ্যন্ত একাদশী আছে৷ তাৰপাছতেই কাতি শুক্লা দ্বাদশী৷ এই সময়ত সূৰ্যই তুলা ৰাশিত অৱস্থান কৰিছে৷
জ্যোতিষ গণনা অনুসৰি কাইলৈ বজ্ৰ যোগ আৰু হৰ্ষণা যোগৰ প্ৰভাৱ থাকিব৷ কাইলৈ দিনজুৰি প্ৰথমে থাকিব পূৰ্ব ভাদ্ৰপদ আৰু পাছত উত্তৰ ভাদ্ৰপদ নক্ষত্ৰৰ প্ৰভাৱ৷ এই সকলো যোগৰ প্ৰভাৱত কাইলৈ দিনটো বিশেষ মাহাত্ম্যপূৰ্ণ হ’ব৷ হিন্দুধৰ্মত মঙলবাৰ হৈছে বজৰংবলীৰ প্ৰিয় দিন৷ জ্যোতিষ গণনা অনুসৰি কাইলৈ কোনো কোনো ৰাশিৰ জাতকৰ জীৱনত প্ৰচুৰ সুখ সাফল্য লাভ কৰিব৷ জানি থওক ভাগ্যবান ৰাশিৰ তালিকাত কোন কোন আছে?
মিথুন ৰাশি
কাইলৈ ১২ নৱেম্বৰত বজ্ৰ যোগৰ প্ৰভাৱত ভাগ্য খুলিব মিথুন ৰাশিৰ জাতকৰ৷ বজৰংবলীৰ কৃপাত কাইলৈ আপুনি শত্ৰুৰ ষড়যন্ত্ৰৰ পৰা মুক্তি পাব৷ কোনো সম্পত্তিৰ লেনদেন কৰিবলৈ কাইলৈ দিনটো আপোনাৰ বাবে শুভ৷ দাম্পত্য জীৱনত কাইলৈ প্ৰেম বৰ্তি থাকিব৷ প্ৰয়োজনৰ সময়ত জীৱনসংগীক নিজৰ কাষত পাব৷ যিসকল অবিবাহিত তেওঁলোকৰ বিবাহৰ কথা পাক্কা হ’ব৷
কন্যা ৰাশি
কাইলৈ দেৱউত্থানী একাদশীত সৌভাগ্য লাভ কৰিব কন্যা ৰাশিৰ জাতকে৷ কাইলৈ প্ৰচুৰ আনন্দ আপুনি লাভ কৰিব পাৰে৷ ঘৰ বা বাহন কিনাৰ দীৰ্ঘদিনীয়া ইচ্ছা থাকিলে কাইলৈ সফল হ’ব পাৰে৷ কেৰিয়াৰত কিছু শুভ পৰিবৰ্তন আহিব পাৰে৷ পৰিশ্ৰম কৰিলে তাৰ শুভ ফল লাভ কৰিব কন্যা ৰাশিৰ জাতকে৷ কোনো ভাল কোম্পানীৰ পৰা চাকৰিৰ প্ৰস্তাৱ পাব পাৰে৷
তুলা ৰাশি
হৰ্ষণা যোগৰ প্ৰভাৱত কাইলৈ ধন লাভ কৰিব পাৰে তুলা ৰাশিৰ জাতকে৷ কাইলৈ আপোনাৰ আৰ্থিক পৰিস্থিতি মজবুত হ’ব৷ কাইলৈ সকলো কামতেই সাফল্য লাভ কৰিব পাৰে৷ পৰিয়ালৰ সৈতে আনন্দৰ সময় কটাব পাৰে৷ ইয়াৰ ফলত আপোনাৰ মনত সুখ আৰু শান্তি থাকিব৷ যিসকলে নতুন চাকৰি বিচাৰিছে তেওঁলোকে কোনো সুখবৰ পাব পাৰে৷ কাৰ্যালয়ত আপোনাৰ পৰিস্থিতি ভাল হ’ব৷
মকৰ ৰাশি
কাইলৈ মঙলবাৰে বজৰংবলীৰ আশীৰ্বাদ বৰ্ষিত হ’ব মকৰ ৰাশিৰ জাতকৰ ওপৰত৷ ধৰ্মীয় বিষয়ত কাইলৈ আগ্ৰহ বাঢ়িব আপোনাৰ৷ ঘৰত কোনো শুভ অনুষ্ঠানৰ আয়োজন কৰিব পাৰে৷ কাইলৈ আপোনাৰ ব্যৱহাৰত মাধুৰ্য থাকিব৷ ইয়াৰ ফলত সকলোৰে সৈতে ভাল সম্পৰ্ক থাকিব৷ কৰ্মক্ষেত্ৰত লাভবান হ’ব পাৰে মকৰ ৰাশিৰ জাতকে৷ আৰ্থিকভাৱে লাভৱান হ’ব৷
মীন ৰাশি
কাইলৈ উত্তৰ ভাদ্ৰপদ নক্ষত্ৰপ শুভ প্ৰভাৱ বৰ্তি থাকিব মীন ৰাশিৰ জাতকৰ ওপৰত৷ সামাজিক মিলামিছাৰ বাবে সম্পৰ্ক ভাল হ’ব৷ ইয়াৰ ফলত নিজৰ সকলো অসম্পূৰ্ণ কাম কৰিব পাৰে৷ সকলোৰে সৈতে সুসম্পৰ্ক থাকিব৷ মানসিক চাপ দূৰ হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
