সুস্থ থকাৰ বাবে ভিটামিন অপৰিহাৰ্য৷ ভিটামিনৰ অভাৱে দেহত একাধিক সমস্যাৰ সৃষ্টি কৰিব পাৰে৷ নানা ৰোগৰো সৃষ্টি হ’ব পাৰে৷ কিন্তু কেতিয়াবা ভাৱিছেনে, ভিটামিনৰ অভাৱত শৰীৰত কৰ্কটেও বাঁহ বান্ধিব পাৰে৷ কি ভিটামিনৰ অভাৱত শৰীৰত কৰ্কট ৰোগ হ’ব পাৰে? শৰীৰত কৰ্কটৰ কোষ বৃদ্ধি পোৱাৰ আঁৰত নানান কাৰণ থাকে৷ অস্বাস্থ্যকৰ লাইফ ষ্টাইলৰ পৰা আৰম্ভ কৰি জেনেটিক্স একাধিক কাৰণত কৰ্কট হ’ব পাৰে৷ এই তালিকাত ভিটামিনৰ অভাৱো আছে৷ কিন্তু কি কি ভিটামিনৰ ঘাটি হ’লে কৰ্কট হ’ব পাৰে, জানক সবিশেষ৷
ভিটামিন চি
এছকোৰবিক এছিডৰ আৰু এটা নাম হৈছে ভিটামিন চি৷ এই ভিটামিনৰ মাজত শক্তিশালী এণ্টিঅক্সিডেণ্ট আছে৷ ই ক্ষত নিৰাময়, কোলাজেন গঠন আৰু অক্সিডেটিভ ষ্ট্ৰেছ কমোৱাত সহায় কৰে৷ ভিটামিন চিৰ অভাৱত পেট, হাওঁফাওঁৰ কৰ্কটৰ কোষ বৃদ্ধি হ’ব পাৰে৷
ভিটামিন-এ
ফেট দ্ৰবণীয় ভিটামিন-এ ই দেহৰ ৰোগ প্ৰতিৰোধ ক্ষমতা বাঢ়িব আৰু চকুৰ স্বাস্থ্য উন্নত কৰাত সহায় কৰে৷ ভিটামিন-এ ৰেটিনয়েড নামেৰে পৰিচিত৷ এই ভিটামিনে কোষ গঠন আৰু জিনগত ৰোগ দূৰ কৰাত সহায় কৰে৷ ভিটামিন-এৰ অভাৱত পেট, হাওঁফাওঁ আৰু অন্যান্য অংশত কৰ্কট হোৱাৰ আশংকা বাঢ়ি যায়৷
ভিটামিন-ডি
ৰোগ প্ৰতিৰোধ ক্ষমতা গঢ়ি তোলাৰ পৰা আৰম্ভ কৰি হাড় গঠন, কেলছিয়াম মেটাবলিজমৰ বাবে ভিটামিন ডি অপৰিহাৰ্য৷ অথচ, বিশ্বজুৰি সকলোতকৈ বেছি মানুহেই ভিটামিন-ডিৰ ঘাটিত ভোগে৷ পৰ্যাপ্ত ৰ’দ শৰীৰত নলগাৰ বাবেই মূলত ভিটামিন ডিৰ ঘাটি দেখা যায়৷ অন্যহাতে ভিটামিন-ডিৰ অভাৱত ব্ৰেষ্ট, প্ৰষ্টেট আদি অংগ প্ৰত্যংগৰ কৰ্কটৰ আশংকা বাঢ়ে৷
Disclaimer: সচেতনতাৰ উদ্দেশ্যেহে এই প্ৰতিবেদন লিখা হৈছে৷ কোনো সিদ্ধান্ত লোৱাৰ পূৰ্বে চিকিৎসকৰ পৰামৰ্শ লওক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
