অসম লাইভ২৪ঃ ২৪ ডিচেম্বৰত আত্মহত্যা কৰিছে মুম্বাই টেলিভিছন ইণ্ডাষ্ট্ৰীৰ জনপ্ৰিয় অভিনেত্ৰী তুনিছা শৰ্মাই৷ আলিবাবা দাস্তান এ কাবুল ধাৰাবাহিকৰ শ্বুটিঙস্থলীতে বাথৰুমত ডিঙিত চিপ লৈ আত্মহত্যা কৰিছে তুনিছাই৷ তুনিছাৰ আত্মহত্যাৰ পাছতেই বাহিৰলৈ আহিছে এটাৰ পাছত আনটো ভয়ংকৰ খবৰ৷ তুনিছাৰ মৃত্যুৰ তদন্ত কৰি থকা দলটোৱে দিছে বহুকেইটা ভয়ংকৰ তথ্য৷
দলটোৱে প্ৰকাশ কৰামতে মৃত্যুৰ দিনাও পুৱাৰভাগত ঠিকেই আছিল তুনিছা৷ লাঞ্চ ব্ৰেকৰ আগলৈকে ৰীল বনাই ইনষ্টাগ্ৰামত আপলোডো কৰি আছিল তুনিছাই৷ কিন্তু কেইঘণ্টামান পাছতেই হাঁহি মাতি থকা অভিনেত্ৰীগৰাকীয়ে কিয় ল’লে এই চৰম সিদ্ধান্ত? সকলোৰে মনত সেই একেটাই প্ৰশ্ন৷ হাঁহিৰ আঁৰত কি বেদনা লুকুৱাই ফুৰিছিল তুনিছাই? মৃত্যুৰ দিনাও দুপৰীয়া ৩ বজাৰ আগলৈকে হাঁহি-ধেমালীৰ মাজেৰেই কাম কৰি আছিল তুনিছাই৷ ৩ বজাত লাঞ্চ ব্ৰেকত একেলগে প্ৰেমিক ছিজান খানৰ সৈতে আহাৰ গ্ৰহণ কৰাৰ পাছতেই ৩.১৫ মিনিটত তুনিছা ওলমি ৰ’ল বাথৰুমত? কি এনে কথা হৈছিল বিশেষ ১৫ মিনিটত? মাত্ৰ ১৫ মিনিটৰ ব্যৱধানতেই এই সিদ্ধান্ত ল’লে তুনিছাই!
ঘটনাৰ পাছতেই আৰক্ষীয়ে আটক কৰিছে ছিজান খানক৷ ছিজানে আৰক্ষীৰ সন্মুখত দিয়া স্বীকাৰোক্তি অনুসৰি, তুনিছা আৰু ছিজানৰ ধৰ্ম বেলেগ৷ সেয়ে ভৱিষ্যতে এই বিষয়টোক লৈ অসুবিধা হ’ব পাৰে৷ সেয়ে দুয়োৱে পৃথক হোৱাৰ সিদ্ধান্ত লৈছিল ছিজানে৷ কিন্তু তদন্তকাৰী দলটোৱে ছিজানৰ স্বীকাৰোক্তিক মানি ল’ব পৰা নাই৷ ইফালে তুনিছাৰ পৰিয়ালে অনা অভিযোগ অনুসৰি ছিজানে তুনিছাক প্ৰতাৰণা কৰিছিল৷ তুনিছাৰ সৈতে সম্পৰ্কত থাকোতেও অন্য যুৱতীৰ সৈতে সম্পৰ্ক ৰাখিছিল ছিজানে৷ এইসমূহ বিষয়ক লৈয়েই ১০ দিন পূৰ্বে এনজাইটি এটেক হৈছিল তুনিছাৰ৷ পূৰ্বেও ছিজান আৰু ২০ বছৰীয়া অভিনেত্ৰী তুনিছাৰ মাজত বাক বিতণ্ডা চলি আছিল৷ ব্ৰেকআপো হৈছিল দুয়োৰে৷ ব্ৰেকআপৰ বাবেই মানসিকভাৱে ভাঙি পৰিছিল তুনিছা৷ ছিজানে দি অহা মানসিক চাপৰ বাবেই তুনিছাই আত্মহত্যা কৰা বুলি আভিযোগ আনিছে তুনিছাৰ পিতৃ-মাতৃয়ে৷ অৱশ্যে সত্য কি কোনে ক’ব? সকলো ভাঙি পাতি ক’বলৈকো তুনিছা গ’লগৈ কাহানিও উভতি নহাৰ বাটেৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
