অসম লাইভ২৪ঃ কণী এবিধ বিতৰ্কিত খাদ্য। কণীক আমিষ নে নিৰামিষ সেই বিষয়টোৰ লগতে কণী প্ৰথম নে কুকুৰা প্ৰথম সেই বিষয়টোলৈয়ো বহুতেই দিয়ে বহুমত। এই জটিল প্ৰশ্নৰ সঠিক উত্তৰ আজিলৈকে কোনোৱেই দিব পৰা নাই।
ইফালে আমিষ-নিৰামিষ যদি চাওঁ বহুসংখ্যক নিৰামিষভোজীয়েই কিন্তু কণী খাই। নিয়মীয়া খাদ্যত কণী অন্তৰ্ভুক্ত নকৰা মানুহ সাধাৰণতে কমেই আছে। কণী কুকুৰাৰ দেহৰ পৰা তৈয়াৰ হয় আৰু ইয়াৰ জীৱিত ভ্ৰুণ থাকে বাবে বহুতেই ইয়াক আমিষ বুলিয়েই দাবী কৰে। দীৰ্ঘদিনীয়া গৱেষণাৰ অন্তত বিজ্ঞানীসকলে কয় যে কণী নিৰামিষ নহয়, বৰঞ্চ ই আমিষ।
গৱেষকৰ মতে কণী এটাত কণীৰ খোলা, কুহুম আৰু বগা তিনিটা অংশ থাকে। অধ্যয়নত দেখা গৈছে যে কণীৰ বগা অংশটো কেৱল প্ৰটিনেৰে গঠিত, আনহাতে কুহুমত প্ৰটিন আৰু কলেষ্টেৰল থাকে। বজাৰত খোৱাৰ বাবে বিক্ৰী কৰা কণীবোৰ নিষিক্ত নহয়, সেয়ে সেইবোৰৰ কোনোটোতেই ভ্ৰূণ নাথাকে। অৰ্থাৎ এই কণী খাই জীৱক হত্যা কৰাৰ কোনো সম্ভাৱনা নাই।
স্বাস্থ্য বিশেষজ্ঞৰ মতে কণী আমাৰ শৰীৰৰ বাবে অতি উপকাৰী খাদ্য, ইয়াত প্ৰচুৰ পৰিমাণে প্ৰটিন, ভিটামিন বি, ভিটামিন এ, আইৰণ, মেংগানিজ, কেলচিয়াম, চেলেনিয়াম, জিংক আৰু বিভিন্ন পুষ্টিকৰ উপাদান থাকে। শেহতীয়া গৱেষণাৰ পৰা দেখা গৈছে যে প্ৰতিদিনে কণী খালে বহু ধৰণৰ ষ্ট্ৰোক প্ৰতিৰোধ কৰিব পাৰি। কণীক প্ৰটিন আৰু ভিটামিনৰ উৎকৃষ্ট উৎস বুলিও গণ্য কৰা হয়। অধ্যয়নত দেখা গৈছে যে কলেষ্টেৰলৰ সমস্যা থকা লোকসকলে চিকিৎসকৰ পৰামৰ্শ অনুসৰি খাদ্য তালিকাত কণী অন্তৰ্ভুক্ত কৰিব লাগে। অৱশ্যে বহুতৰে মনত প্ৰশ্নও থাকে, এজন ব্যক্তিয়ে এদিনত কিমানটা কণী খাব লাগে? প্ৰাপ্তবয়স্কসকলে এদিনত দুটা আৰু শিশুৱে এদিনত এটা কণী খাব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
