ভাৰত-ইংলেণ্ডৰ খেলত ভাৰতীয় দলত বৈভৱৰ নাম, ইংলেণ্ডলৈ যাব ১৪ বছৰীয়া বৈভৱ
ইংলেণ্ডৰ বিৰুদ্ধে টেষ্ট শৃংখলাত ভাৰতীয় দলৰ কোনে অধিনায়কত্ব চম্ভালিব সেই উদ্দেশ্য এতিয়াও বহু জল্পনা কল্পনা চলি আছে। তালিকাত নাম আছে কেইবাগৰাকী খেলুৱৈৰ। অহা শনিবাৰ ২৪ মে’ তাৰিখে মূখ্য প্ৰশিক্ষক গৌতৰ গম্ভীৰে ঘোষণা কৰিব টেষ্ট দলৰ নতুন অধিনায়কৰ নাম।
পাছে তাৰে মাজতে আজি প্ৰকাশ পাইছে আন এক খবৰ। ইংলেণ্ড ভ্ৰমণলৈ যাব বৈভৱো। বি চি চি আই জুনিয়ৰ বাছনি সমিতিৰ উদ্যোগত টিম ইণ্ডিয়াৰ ১৯ বছৰ অনুৰ্ধ দলৰ ঘোষণা কৰা হৈছে। সেই ১৬ জনীয়া দলটোৰ এটা নাম হৈছে বৈভৱ সূৰ্য্যবংশী।
১৯ বছৰ অনুৰ্ধ ভাৰতৰ ১৬ জনীয়া দলটোৰ কমাণ্ড আয়ুষ মহাত্ৰেৰ হাতত। আয়ুষ আৰু বৈভৱ দুয়োজনেই আই পি এল ২০২৫ত খেলিছে, লগতে আধিপত্যও বিস্তাৰ কৰিছে। আই পি এলত ধুমুহাৰ সৃষ্টি কৰাৰ পিছত এতিয়া বৈভৱ ইংলেণ্ডত ভাৰতৰ হৈ ১৯ বছৰ অনুৰ্ধ ক্ৰিকেট জয়ৰ বাবে সপোন ৰচিচে। বৈভৱ সূৰ্য্যবংশীয়ে নিজেই এই কথা প্ৰকাশ কৰিছে।
২৪ জুনৰ পৰা আৰম্ভ হ’ব লগা ১৯ বছৰ অনুৰ্ধ দলৰ শৃংখলা ২৩ জুলাইলৈকে চলিব।এই সময়ছোৱাত ইংলেণ্ডৰ ১৯ বছৰ অনুৰ্ধ দলৰ সৈতে ৫০ অভাৰৰ ৱাৰ্ম আপ মেচ খেলাৰ উপৰিও ভাৰতৰ ১৯ বছৰ অনুৰ্ধ দলে ৫খন এদিনীয়া আৰু ২খন মাল্টি ডে মেচৰ শৃংখলাও খেলিব।
ভাৰতৰ ১৯ বছৰ অনুৰ্ধ দলৰ ১৬ গৰাকী খেলুৱৈ-
আয়ুষ মহাত্ৰে (অধিনায়ক), বৈভৱ সূৰ্যবংশী, বিহান মালহোত্ৰা, এম চাভদা, ৰাহুল কুমাৰ, অভিজ্ঞান কুণ্ডু (উপ অধিনায়ক, উইকেটকীপাৰ), হৰবংশ সিং (উইকেটকীপাৰ), আৰ এছ আম্ব্ৰিছ, কনিষ্ক চৌহান, খিলান পেটেল, হেনিল পেটেল, যুধজিৎ গুহা, প্ৰণৱ ৰাঘবেন্দ্ৰ, মহম্মদ ইনান, আদিত্য ৰাণা, অনমলজিৎ সিং।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
