অসম লাইভ ২৪ঃ বলিউডৰ জনপ্ৰিয় অভিনেতা বৰুন ধাৱান আৰু তেওঁৰ দীৰ্ঘদিনীয়া প্ৰেয়সী নাতাশা দালালৰ আজি বিয়া। ইতিমধ্যে বিবাহথলী আলিবাগত সকলো প্ৰস্তুতি সম্পন্ন হৈছে। দুয়োটা পৰিয়ালৰ লোকে উপস্থিত হৈছে আলিবাগত। কইনা নাতাশাও শনিবাৰেই পিতৃ-মাতৃৰ সৈতে বিবাহথলীত উপস্থিত হৈ ভাগ ল’লে মেহেন্দী অনুষ্ঠানত। কইনাৰ দুহাত মেহেন্দীৰে বোলালে মেহেন্দী আৰ্টিষ্ট বীণা নাগদাই।
অৱশ্যে বিবাহৰ পূৰ্বে আজি পুৱা সংঘটিত হ’ল এক অঘটন। আলিবাগৰ বিবাহথলী পোৱাৰ পূৰ্বেই দুৰ্ঘটনাত পতিত হ’ল বৰুন ধাৱানৰ বাহন। বন্ধুৰ সৈতে ‘বেচ্চেলৰ পাৰ্টি’ কৰি বিবাহথলীলৈ বুলি ৰাওনা হওঁতেই বাটতে সংঘটিত হয় দুৰ্ঘটনাটো। অৱশ্যে দৰা বৰুন ধাৱান আৰু তেওঁৰ বন্ধুসকল সুৰক্ষিত অৱস্থাত আছে। কেৱল বাহনখনৰ সন্মুখভাগহে কিছু ক্ষতি হয়।
উল্লেখযোগ্য যে, ক’ভিডৰ ভয়াৱহতাৰ বাবে ৪ মাহ পিছুৱালে বৰুন ধাৱানৰ বিয়া। আনহাতে, বিবাহৰ পিছতে বৰুণ আৰু নাতাশা তুৰ্কীৰ সুন্দৰ চহৰ ইস্তানবুললৈ হানিমুনৰ বাবে ৰাওনা হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
