অসম লাইভ ২৪ঃ বিহাৰৰ প্ৰাক্তন মুখ্যমন্ত্ৰী লালুপ্ৰসাদ যাদৱ বৰ্তমান অসুস্থ। সম্প্ৰতি সংকটজনক অৱস্থাত চিকিৎসাধীন লালুপ্ৰসাদ যাদৱ। পিছে লালুপ্ৰসাদ যাদৱৰ খবৰ নলয় বিহাৰৰ বৰ্তমানৰ মুখ্যমন্ত্ৰী তথা লালুৰ একালৰ পৰম মিত্ৰ নীতিশ কুমাৰে। আচৰিত যেন লাগিলেও এয়াই সত্য। নীতিশ কুমাৰে সাংবাদিকৰ আগত কয় যে- লালুপ্ৰসাদ যাদৱৰ খবৰ মই নলওঁ। তেওঁৰ স্বাস্থ্যজনিত সকলো খবৰ বাতৰিকাকতত পঢ়িব নীতিশ কুমাৰে। লালুপ্ৰসাদ যাদৱৰ পুত্ৰ তেজস্বী যাদৱৰ প্ৰতি কটাক্ষ কৰি নীতিশ কুমাৰে কয়- ‘প্ৰথমে ফোনযোগে মই তেওঁৰ স্বাস্থ্যৰ বুজ লৈছিলো। পিছে এতিয়া তেওঁৰ যত্ন লোৱাজনে যি-টি কথা কয়। তেতিয়াই মই ভাবি ল’লো মই তেওঁৰ স্বাস্থ্যৰ বুজ বাতৰিকাকতৰ জৰিয়তেই ল’ম। মই বিচাৰো লালুপ্ৰসাদ যাদৱ সোনকালেই সুস্থ হৈ উঠক।’
নীতিশ কুমাৰৰ এই মন্তব্যই এতিয়া সৃষ্টি কৰিছে প্ৰতিক্ৰিয়াৰ। উল্লেখযোগ্য যে, এনে এক সময়ো আছিল যেতিয়া লালু যাদৱ আৰু নীতিশ কুমাৰ আছিল পৰম মিত্ৰ। ১৯৭৪ চনত জয়প্ৰকাশ নাৰায়ণৰ নেতৃত্বত হোৱা বিহাৰ আন্দোলনৰ সময়ছোৱাত দুয়োৰে বন্ধুত্ব আৰম্ভ হৈছিল। নীতিশ কুমাৰৰ ৰাজনৈতিক জীৱনৰ আৰম্ভণিৰ সময়ছোৱাতো লালুৰ আছিল বহু প্ৰভাৱ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
