হিন্দুধৰ্মত গঙ্গাৰ পানী বা গঙ্গাজল কেৱল পবিত্ৰতাৰ প্ৰতীক নহয়, ই ঘৰলৈ ইতিবাচক শক্তি কঢ়িয়াই অনাৰ অন্যতম উপায়ো৷ পূজা-পাৰ্বণৰ পৰা আৰম্ভ কৰি যিকোনো শুভ কামত গঙ্গা জলৰ ব্যৱহাৰ অপৰিহাৰ্য৷ প্ৰায় প্ৰতিঘৰ হিন্দু মানুহৰ ঘৰতেই গংগাজল থাকে৷ কিন্তু জানেনে অত্যন্ত ভক্তিভাৱে ৰখা এই পানীয়েও কেতিয়াবা কেতিয়াবা আপোনাৰ সংসাৰলৈ অমঙ্গল কঢ়িয়াই আনিব পাৰে৷ বাস্তুশাস্ত্রই কৈছে, গঙ্গাজল ৰখাৰ নিৰ্দিষ্ট কিছু নিয়ম আছে৷ সামান্য ভুলতেও হিতে বিপৰীতো হব পাৰে৷ যাৰ ফলত দেখা দিব পাৰে চৰম আৰ্থিক সংকট বা পাৰিবাৰিক অশান্তিয়ে৷
প্লাষ্টিকৰ পাত্ৰত গংগাজল নাৰাখিব
আজিকালি বজাৰৰ পৰা বহুতেই গংগাজল ক্ৰয় কৰোতে যি প্লাষ্টিকৰ বটলত পোৱা যায় সেই বটলেই ঘৰত ৰাখি থয়৷ বাস্তুবিদৰ মতে ই সকলোতকৈ ভুল কাম৷ প্লাষ্টিকক বাস্তুশাস্ত্ৰত অশুভ বা অশুদ্ধ হিচাপে গণ্য কৰা হয়৷ গংগাজল কেতিয়াও প্লাষ্টিকৰ পাত্ৰত সংৰক্ষণ কৰা উচিত নহয়৷ ইয়াৰ ফলত পানীৰ পবিত্ৰতা যেনেকৈ নষ্ট হয় তেনেকৈ পৰিয়ালৰ কৰ্তাৰ ওপৰতো আৰ্থিক ঋণৰ বোজা বাঢ়িব পাৰে৷ ইয়াৰ পৰিবৰ্তে তাম, পিতল বা ৰূপৰ পাত্ৰত গংগাজল ৰখাটো শ্ৰেয়৷ ইয়াৰ ফলত ঘৰত সমৃদ্ধি বৰ্তি থাকে৷
আপোনাৰ ঘৰ বা ফ্লেটত গংগাজল ঠিক কোন দিশত ৰখা আছে তাৰ ওপৰত নিৰ্ভৰ কৰে আপোনাৰ ভাগ্য৷ বাস্তুমতে ঘৰৰ উত্তৰ পূৰ্ব কোণ বা ঈশান কোণ হৈছে দেৱস্থান৷ গংগাজল ৰখাৰ বাবে ই সবাতোকৈ সৰ্বশ্ৰেষ্ঠ স্থান৷ ভুলকৈ অন্ধকাৰ বা ধুলিবালি জমা হৈ থকা স্থানত পবিত্ৰ গংগাজল ৰখা উচিত নহয়৷ ইয়াৰ ফলত নেতিবাচক শক্তিৰ প্ৰভাৱ বাঢ়ে আৰু উন্নতিৰ পথত বাধা সৃষ্টি হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
