বাহুবলী কন্যা, অ’টোৰ তলত সোমাই পৰা মাতৃক উদ্ধাৰৰ বাবে অকলেই দাঙি দিলে বাহনখন, ভিডিঅ’ ভাইৰেল
সামাজিক মাধ্যমত ভাইৰেল হৈ পৰিছে এটা ভিডিঅ’। যি ভিডিঅ’ দেখি সহশ্ৰ জনে এটাই কথা কৈছে বাহুবলী কন্যা । মাতৃক উদ্ধাৰৰ বাবে অকলেই দাঙি দিলে অ’টো। যি ভিডিঅ’ বৰ্তমানে সামাজিক মাধ্যমত বহুজনে চাইছে, ভাইৰেল হৈ পৰিছে সকলোতে।
ঘটনা সন্দৰ্ভত জানিব পৰা অনুসৰি এই দুৰ্ঘটনা সংঘটিত হৈছে কৰ্নাটকৰ মাংগালুৰুত। পথ পাৰ হোৱাৰ সময়ত খৰখেদা কৰাৰ বাবে প্ৰায়ে দুৰ্ঘটনাৰ বলি হয় মানুহ। এনে ভিডিঅ’ প্ৰায়ে ছ’চিয়েল মিডিয়াত প্ৰকাশ পায়, যিটো দেখি কেতিয়াবা হৃদয় কঁপি উঠে ভয়ত। এই দুৰ্ঘটনাটোও তেনেই এক ঘটনা।
শেহতীয়াকৈ এনে এটা অটো ৰিক্সা দুৰ্ঘটনাৰ ভিডিঅ’ই ইণ্টাৰনেটত মানুহৰ দৃষ্টি আকৰ্ষণ কৰিছে, য’ত এগৰাকী মহিলাক দৌৰি গৈ ৰাস্তা পাৰ হোৱা দেখা গৈছে, কিন্তু মহিলাগৰাকীক বচাবলৈ চেষ্টা কৰি পথৰ দাঁতিত বাগৰি পৰে অটোৰিক্সাখন। তাকো মহিলাগৰাকীৰ ওপৰতেই বাগৰি পৰে অটোখন।
https://x.com/Sivaraj_Twitz/status/1833041318190182522
পাছে তাৰ পাছৰ ঘটনাইহে সকলোৰে দৃষ্টি আকৰ্ষণ কৰিছে। এই ভিডিঅ’টোৰ আঁৰত এগৰাকী স্কুলীয়া ছাত্ৰী। সেই মাতৃগৰাকীৰ কন্যা। যিয়ে মাকক অটো খনৰ তলত পৰা দেখা মাত্ৰেই অন্য লোকে কিবা তত ধৰিব পৰাৰ আগতেই নিজেই দৌৰি গৈ অকলেই অটো খন দাঙি মাকক উদ্ধাৰ কৰে।
যি দৃশ্য দেখিয়ে কন্যাৰ সাহসক সকলোৱে চেলুট দিছে। বাহুবলী তথা ছুপাৰমেন আখ্যা দিছে ছোৱালীজনীয়ে ৰিক্সাখন তুলি ধৰা কাৰ্যৰ বাবে। বহুলোকেই কৈছে তেনে একোগৰাকী ছোৱালী সকলোৰে হওক বুলি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
