মাতৃ ভিতালী দাসৰ পাছত কমলিকাক অকলশৰীয়া কৰি গললৈ পিতৃ ভূপেন দাস
নিয়তিৰ নিষ্ঠুৰ পৰিহাস, মাতৃৰ বিয়োগৰ পাছত আজি বিয়োগ ঘটে পিতৃৰো। কনমানি কমলিকাক অকলশৰীয়া কৰি ইহ সংসাৰৰ পৰা চিৰ বিদায় দলে ভিতালীৰ স্বামী ভূপেন দাস।
২০২১ চনত বহাগ মাহত কভিডত আক্ৰান্ত হৈ মৃত্যু হৈছিল অসমৰ সুকণ্ঠী গায়িকা ভিতালী দাসৰ। তাৰ পাছতে একমাত্ৰ কন্যা কমলিকাক এৰি আজি শিল্পী দিৱসৰ দিনাই ভোগালী বিহুৰ সময়ত মৃত্যু হয় ভূপেন দাসৰ।
আজি ১৭ জানুৱাৰী শিল্পী দিৱসৰ দিনা উত্তৰ গুৱাহাটী স্থিত জি এন আৰ চি হাস্পতালত মৃত্যু হয় বিশিষ্ট তবলা বাদক গৰাকীৰ।
বহুদিন ধৰি বহুমূত্ৰ ৰোগৰ লগতে বৃক্ক জনিত ৰোগত আক্ৰান্ত হৈ আছিল ভূপেন দাস। পত্নী ভিতালীৰ কভিডত মৃত্যু হোৱাৰ সময়ত দুখ মনেৰে ভূপেন দাসে কৈছিল- মইহে যাব লগিছিল, ইমান ৰোগেৰে সৈতে জীয়াই আছো, কিন্তু গলগৈ ভিটালী।
সেই ভূপেন দাসৰেই এইবাৰ কন্যাক ইহ সংসাৰত অকলশৰীয়া কৰি গলগৈ চিৰকাললৈ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
