ৰাছিয়াৰ পদাতিক সৈন্যৰ মনোবল ভাঙি পৰিছে৷ নিউয়ৰ্ক টাইমছৰ পিছতে এইবাৰ ব্ৰিটিছ সংবাদ পত্ৰ ডেইলী মেইল-এ অন্য এক প্ৰতিবেদন প্ৰকাশ কৰিছে৷ সংবাদ পত্ৰখনে এক অ’ডিঅ’ ৰেকৰ্ডিং ফাদিল কৰি দাবী কৰিছে যে ইউক্ৰেইন আক্ৰমণকাৰী ৰাছিয়ান পদাতিক সেনা সম্পূৰ্ণৰূপে বিশৃংখল হৈপৰিছে৷
প্ৰতিবেদনখনে দাবী কৰা মতে ৰাছিয়ান সেনাই ইউক্ৰেইনৰ প্ৰধান চহৰসমূহ আক্ৰমণ কৰিবলৈ দিয়া কেন্দ্ৰীয় আৰ্দেশ মানিবলৈ অস্বীকাৰ কৰিছে৷ অ’ডিঅ’ত পদাতিক সেনাৰ প্ৰয়োজনীয় সামগ্ৰীৰ তীব্ৰ নাটনি হোৱাৰ অভিযোগো কৰা হৈছে৷
লগতে পঢ়ক ইউক্ৰেইনলৈ আমেৰিকাসহ কোন কোন ৰাষ্ট্ৰই কিমান, কি কি সামৰিক সাহায্য আগবঢ়াইছে?
এই অ’ডিঅ’বোৰ শ্বেড’ব্ৰেক নামৰ এটা ব্ৰিটিছ চোৰাংচোৱা সংস্থাই ৰেকৰ্ডিং কৰিছে৷ সংস্থাটটোৱে লগতে বুলি দাবী কৰিছে যে যোৱা বৃহস্পতিবাৰে আক্ৰমণ আৰম্ভ কৰাৰ সময়ৰ পৰাই ৰাছিয়ান সামৰিক বাহিনীয়ে ল’জিষ্টিক (যুদ্ধৰ বাবে প্ৰয়োজনীয় সকলো সহায়) সমৰ্থনৰ অভাৱত পৰিছে৷
সংস্থাটোৱে দাবী কৰা মতে ৰুছ পদাতিক সেনাই আক্ৰমণৰ বাবে বুৰান-৩০, কামান আদি যুদ্ধাস্ত্ৰ কঢ়িয়াই নিয়াৰ সময়ত সেনাৰ গোটসমূহৰ মাজত সমন্বয়হীনতা স্পষ্টৰূপত ধৰা পৰিছে৷
লগতে পঢ়ক যুদ্ধ বিধ্বস্ত ইউক্ৰেইনত পাকিস্তানী আৰু তুৰ্কী শিক্ষাৰ্থীৰ হাতত ভাৰতৰ জাতীয় পতাকা কিয়?
‘‘আমি খাৰখিভৰ ওচৰত তেওঁলোকৰ মাজৰ কন্দল শুনা পাইছিলো৷ সিমানেই নহয়, তেওঁলোকৰ কান্দোন শুনিছিলো৷ ৰেকৰ্ডিঙত এই সকলোবোৰ শুনা পোৱা গৈছে। তেওঁলোক ইন্ধনৰ সমস্যাত পৰিছিল, মানচিত্ৰৰ অভাৱৰ বাবে সামৰিক গোটবোৰে পৰস্পৰে পৰস্পৰ মাজত সমন্বয় আৰু যোগাযোগ আদি কৰাত সমস্যা হৈছিল৷’’ সংস্থাটোৱে দাবী কৰি এইদৰে কয়৷
তেওঁলোকৰ মতে ৰাছিয়ান পতাদিক সেনাৰ মাজত পৰস্পৰে পৰস্পৰ প্ৰতি গুলীগুলীয়া কৰাৰ শব্দও শুনা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
