জোনবাইৰ দেশলৈ এতিয়া ৰিং এটাৰহে বাট। সৰুৰে পৰাই আইতাৰ মুখত শুনি অহা সাধুকথাৰ জোনবাইৰ বুকুত ভাৰতীয় প্ৰজ্ঞানে অভিযান চলালে। ইছৰোৰ চন্দ্ৰযান-৩য়ে চন্দ্ৰৰ দক্ষিণ মেৰুত উপস্থিত হৈ অভিযান চলোৱাৰ পাছতেই একাংশই চন্দ্ৰত মাটি কিনাৰ সপোনো ন’কৈ দেখিবলৈ আৰম্ভ কৰিছে।
চন্দ্ৰত মাটি কিনিব ঠিকেই কিন্তু কেতিয়াবা যদি সঁচাকৈয়ে চন্দ্ৰলৈ যোৱাৰ সুযোগ মিলে তেন্তে কেনেকৈ যাব? চন্দ্ৰলৈ পৃথিৱীৰ পৰা দূৰত্ব কিমান ইত্যাদি বিষয়সমূহ জানিবলৈ আগ্ৰহী হৈ উঠিছে। পৃথিৱী আৰু চন্দ্ৰৰ মাজত দূৰত্ব সম্পৰ্কীয় বিষয়টো নিৰ্ভৰ কৰে ৰকেটৰ গতিৰ ওপৰত। বৰ্তমানলৈকে কেৱল নাছাইহে কম সময়তে চন্দ্ৰত উপস্থিত হোৱাৰ ৰেকৰ্ড গঢ়িছে। নাছাৰ মহাকাশযানখনক চন্দ্ৰ পাবলৈ সময় লাগিছিল ৮ ঘণ্টা ৩৫ মিনিট।
এপল-৮ চন্দ্ৰৰ কক্ষপথত প্ৰৱেশ কৰিছিল ৬৯ ঘণ্টা ৮ মিনিটত। অন্য দেশৰ যানতকৈ নাছাৰ যানে সৰ্বাধিক কম সময়ৰ ভিতৰত চন্দ্ৰত উপস্থিত হোৱা বুলি দাবী কৰে নাছাই। উল্লেখ্য যে, পৃথিৱী আৰু চন্দ্ৰৰ মাজৰ গড় দূৰত্ব ২লাখ ৩৮ হাজাৰ ৮৫৫ মাইল বা ৩লাখ ৮৪ হাজাৰ ৪০০ কিঃমিঃ। পৃথিৱীৰ কক্ষপথ যিহেতু সম্পূৰ্ণ গোলাকাৰ নহয় সেয়ে এই দূৰত্ব সঠিককৈ কোৱা সম্ভৱ নহয়।
চন্দ্ৰত উপস্থিত হ’বলৈ কিমান সময় লাগে? এই বিষয়টো সম্পূৰ্ণৰূপে যানখনৰ ওপৰত নিৰ্ভৰশীল। বৰ্তমানলৈকে ১৪০ টা মুন মিছন বিজ্ঞানীয়ে কৰিছে। প্ৰত্যেক মিছনৰেই উদ্দেশ্য বেলেগ বেলেগ। বৰ্তমানলৈকে চলোৱা মিছনৰ ভিতৰত সকলোতকৈ কঠিন মিছন হৈছে এপল-১১। মাত্ৰ ৪দিন ৬ঘণ্টা ৪৫ মিনিটত চন্দ্ৰত উপস্থিত হৈছিল এপল-১১। এপল-১০ সকলোতকৈ দ্ৰুততম মহাকাশযান বুলি বিজ্ঞানীয়ে দাবী কৰি আহিছে। এই যানেই সবাতোকৈ কম সময়ত যাত্ৰীক চন্দ্ৰত উপস্থিত কৰাব পাৰে।
উল্লেখ্য যে বিগত ১৪ জুলাইত অন্ধ্ৰপ্ৰদেশৰ শ্ৰীহৰিকোটাপ সতীশ ধাৱান স্পেছ চেণ্টাৰৰ পৰা মহাকাশলৈ ৰাওনা হৈছিল চন্দ্ৰযান-৩। চন্দ্ৰৰ দক্ষিণ মেৰুত অৱতৰণ কৰিছিল ২৩ আগষ্টত। অৰ্থাৎ অৱতৰণৰ প্ৰায় ৪০ দিন পাছত যানখন চন্দ্ৰপৃষ্ঠত উপস্থিত হয়। ইয়াৰপূৰ্বে ২০১০ চনত চীনৰ ছাঙ ই-২ চন্দ্ৰলৈ ৰাওনা হৈছিল। যানখনে মাত্ৰ ৪ দিনতেই চন্দ্ৰপৃষ্ঠত উপস্থিত হয়। তাৰপিছতেই ছোভিয়েট ইউনিয়নৰ ‘লুনা-১’ ৩৬ ঘণ্টাত চন্দ্ৰত উপস্থিত হয়। যিখন ৰকেটত মহাকাশযানক নিক্ষেপ কৰা হৈছিল সেই ৰকেটৰ শক্তিৰ ওপৰতেই যাত্ৰাৰ সময় নিৰ্ভৰ কৰে। ৰাছিয়াৰ লুনা-২৫ মাত্ৰ ১২-১৩ দিনৰ ভিতৰত চন্দ্ৰত উপস্থিত হ’ব বুলি দাবী কৰিছিল ৰাছিয়ান মহাকাশ সংস্থাটোৱে।
শ্বাহৰুখ খানৰো আছে চন্দ্ৰত মাটি
বলীউডৰ বাদশ্বাহ শ্বাহৰুখ খানৰ চন্দ্ৰত আছে এটুকুৰা মাটি৷ শ্বাহৰুখৰ মাটি থকা অঞ্চলটোৰ নাম ‘ছি অৱ ট্ৰেংকুলি’। ২০০৯ চনত এজন অষ্ট্ৰেলিয়ান অনুৰাগীয়ে তেওঁক এই মাটি প্ৰদান কৰিছে৷ সাক্ষাৎকাৰত শ্বাহৰুখ খানেও এই কথা নিশ্চিত কৰিছে৷ তেওঁ এই সন্দৰ্ভত কয়, ‘অষ্ট্ৰেলিয়ান এগৰাকী মহিলাই প্ৰতি বছৰে মোৰ জন্মদিনত মোৰ বাবে চন্দ্ৰত অলপ মাটি কিনে। তেওঁ ক্ৰয় কৰা মাটিৰ হিচাপ মই লুনাৰ ৰিপাব্লিক ছ’চাইটিৰ পৰা পাওঁ। বিশ্বজুৰি ইমানবোৰ মানুহৰ মৰম পাই মই নিজকে ধন্য বুলি অনুভৱ কৰোঁ।’ বাদশ্বাহৰ চন্দ্ৰত থকা এই মাটিৰ মূল্য প্ৰায় ৩৭.৫০ মাৰ্কিন ডলাৰ।
সুশান্ত সিং ৰাজপুতৰো মাটি আছিল চন্দ্ৰত
প্ৰয়াত অভিনেতা সুশান্ত সিং ৰাজপুতৰো মহাকাশ সন্দৰ্ভত বিশেষ আকৰ্ষণ আছিল৷ ২০১৮ চনত তেওঁ চন্দ্ৰৰ মাৰে মাস্কোভিয়েন্স বা “মাস্কোভিৰ সাগৰ”ৰ মাটি ক্ৰয় কৰি শিৰোনাম দখল কৰিছিল৷ তেওঁ ইয়াৰ বাবে বিনিয়োগ কৰিছিল ৫৫ লাখ টকা।
প্ৰিয়ংকা চৌধুৰী আৰু অংকিত গুপ্তাৰো আছে চন্দ্ৰত মাটি
চন্দ্ৰত মাটি কিনাৰ ক্ষেত্ৰত টেলিভিছন উদ্যোগৰ অভিনেতা অভিনেত্ৰীও পিছ পৰি থকা নাই। “বিগ বছ ১৬”লৈ অহা প্ৰিয়ংকা চৌধুৰী আৰু অংকিত গুপ্তাৰো আছে চন্দ্ৰত ভূমি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
