অসম লাইভ২৪ঃ এতিয়া প্ৰায়সংখ্যক লোকৰেই আছে ফেছবুকত নিজা প্ৰফাইল৷ কিন্তু একোজন ব্যক্তিৰ মৃত্যুৰ পাছত ফেছবুক প্রফাইলটো কি হয়? গুগলৰ নিয়মমতে মৃত্যুৰ পাছত ফেছবুক প্ৰফাইলটো বন্ধ কৰি দিব পৰা অপশ্যন আছে৷ মৃত ব্যক্তিৰ ফেছবুক একাউণ্টৰ প্ৰফাইল ফটো, সকলো তথ্য, প’ষ্টসমূহ ডিলিট কৰি দিয়া হয় ফেছবুকৰ পৰা৷ কিন্তু কোনোৱে যদি নিজা প্ৰফাইলটো চিৰদিনৰ বাবে ফেছবুকত ৰাখিব বিচাৰে তেন্তে প্ৰফাইলটো ৰাখি থ’ব পৰা সুযোগ দিছে ফেছবুকে৷ এই সকলোবোৰৰ বাবে ফেছবুক ছেটিংছত ব্যৱস্থা ৰাখিছে জুকাৰবাৰ্গে৷
মৃত্যুৰ পাছতেই যেনেকৈ একাউণ্টটোৰ সকলো তথ্য ডিলিট কৰিব পাৰি তেনেকৈ একাউণ্টটো মেমৰিয়ালাইজড একাউণ্টলৈ পৰিবৰ্তন কৰিও ৰাখিব পাৰি৷ সেইক্ষেত্ৰত কোনো ফেছবুক ব্যৱহাৰকাৰীৰ মৃত্যুৰ পাছতো একাউণ্টটো চিৰদিনৰ বাবে জী থাকিব৷ মৃত্যুৰ পাছত কোনো আত্মীয়ই ফেছবুক চায়েই ব্যক্তিগৰাকীৰ বহু স্মৃতি সোঁৱৰিব পাৰিব৷ ফেছবুকৰ নিয়ম অনুসৰি সেই বিশেষ প্ৰফাইলটো কোনোৱে লগ ইন কৰিব নোৱাৰিব যদিও মৃত ব্যক্তিৰ কোনো ঘনিষ্ঠ ব্যক্তিয়ে সেই একাউণ্টটো চলোৱাৰ দায়িত্ব ল’ব পাৰে৷ সেই দায়িত্ব লোৱা ব্যক্তিজনে মৃত ব্যক্তিৰ প্ৰফাইল, পিনড প’ষ্ট, প্ৰফাইল ফটো, কভাৰ ফটো আদি সলনিও কৰিব পাৰিব৷
কিন্তু কেনেকৈ আপোনাৰ ফেছবুক একাউণ্টটো ওইল কৰি যাব?
সোঁফালে নিজৰ প্ৰফাইল ফটোৰ ওপৰত ক্লিক কৰক
Settings and privacy অপশ্যনত ক্লিক কৰি লওক
ইয়াৰ পাছতেই Access control ছিলেক্ট কৰি ল’ব
Memorialisation settings চিলেক্ট কৰিব
তাত Choose Legacy Contacts বুলি এটা অপশ্যন থাকে
ইয়াত গৈ মৃত্যুৰ পাছত কাক ফেছবুক প্ৰফাইলৰ দায়িত্ব দিব সেয়া উল্লেখ কৰিব পাৰে৷
আনহাতে আপুনি যদি ফেছবুক একাউণ্টটো মৃত্যুৰ পাছত ডিলিট হোৱাটো বিচাৰে তেন্তে ‘Delete Permanently’ অপশ্যন বাছি ল’ব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
