বাইক-বাহনৰ চৌখিন ধোনীৰ গেৰেজত কিমান টকাৰ, কি বাহন আছে?

মহেন্দ্ৰ সিং ধোনী কেৱল ভাৰতৰ এজন সফল ক্ৰিকেটাৰেই নহয়, গাড়ী আৰু বাইকৰ প্ৰতি থকা গভীৰ অনুৰাগৰ বাবেও তেওঁ বিশেষভাৱে পৰিচিত। তেওঁৰ গেৰেজত বহু দামী আৰু বিলাসী গাড়ী আছে। ৰাষ্ট্ৰীয় সংবাদম মাধ্যমৰ তথ্য অনুসৰি, বৰ্তমান ধোনীৰ সংগ্ৰহত Jeep Grand Cherokee Trackhawk, Ferrari 599 GTO, Mercedes-Benz GLE আৰু Hummer H2 আদি বিলাসী বাহন অন্তৰ্ভুক্ত।
Jeep Grand Cherokee Trackhawk:
এই SUVখনে ব্যৱহাৰিক সুবিধা আৰু ছুপাৰকাৰ-মানৰ শক্তিৰ এক উৎকৃষ্ট সংমিশ্ৰণ আগবঢ়ায়। তথ্য অনুসৰি, ইয়াত ৬.২ লিটাৰৰ V8 ছুপাৰচাৰ্জড ইঞ্জিন আছে, যিয়ে ৭০৭ হৰ্ছপাৱাৰ শক্তি উৎপন্ন কৰে। এই গাড়ীখনে প্ৰায় ৩.৫ ছেকেণ্ডতে ঘণ্টাত ০ৰ পৰা ৬০ মাইল বেগ লাভ কৰিব পাৰে। ভাৰতত এই বাহনখনৰ দাম ২.৫ কোটিৰ পৰা ৩ কোটি টকাৰ ভিতৰত।
Ferrari 599 GTO:
এইখন উচ্চক্ষমতাসম্পন্ন এখন স্প’ৰ্টছ কাৰ। ৰেছিং প্ৰযুক্তিৰ পৰা অনুপ্ৰাণিত এই গাড়ীখন দ্ৰুত গতি, উন্নত এয়াৰ’ডাইনামিক ডিজাইন আৰু আকৰ্ষণীয় স্প’ৰ্টী ৰূপৰ বাবে জনাজাত। ইয়াৰ নিৰ্মাণত কম ওজন আৰু অধিক ক্ষমতাৰ ওপৰত বিশেষ গুৰুত্ব দিয়া হৈছে, যাৰ ফলত ই ফেৰাৰীৰ অন্যতম জনপ্ৰিয় গ্ৰেণ্ড ট্যুৰাৰ হিচাপে পৰিচিত। ভাৰতীয় মূল্যত এই বাহনখনৰ On Road দাম প্ৰায় ৭ কোটি টকা পৰ্যন্ত হ’ব।

Mercedes-Benz GLE:
মাৰ্চিডিজৰ এই গাড়ীখন বিলাসিতা আৰু আধুনিক প্ৰযুক্তিৰ এক উৎকৃষ্ট সংমিশ্ৰণ। আৰামদায়ক ভ্ৰমণ আৰু বুদ্ধিদীপ্ত পাৰফৰ্মেন্সক লক্ষ্য কৰি ইয়াক ডিজাইন কৰা হৈছে। ইয়াত শক্তিশালী ইঞ্জিনৰ বিকল্পৰ লগতে সুৰক্ষাৰ বাবে উন্নত ড্ৰাইভাৰ-সহায়ক ব্যৱস্থা (Advanced Driver Assistance Systems) উপলব্ধ। এই বাহনখনৰ দাম ১.৩ কোটিৰ পৰা ১.৪ কোটি টকা।

Hummer H2:
এই SUVখন ইয়াৰ শক্তিশালী উপস্থিতি আৰু উৎকৃষ্ট অফ-ৰোড ক্ষমতাৰ বাবে বিখ্যাত। অধিক গ্ৰাউণ্ড ক্লিয়াৰেন্স, মজবুত গঠন আৰু শক্তিশালী ইঞ্জিনক কেন্দ্ৰ কৰি ইয়াক নিৰ্মাণ কৰা হৈছে। ইয়াৰ বিলাসী ইণ্টেৰিয়ৰ আৰু সামৰিক বাহিনীৰ বাহনৰ দৰে ডিজাইনে ইয়াক এক বিশেষ আকৰ্ষণীয় বিলাসী SUV হিচাপে গঢ়ি তুলিছে, যি দুঃসাহসিক ড্ৰাইভিং আৰু দৃষ্টিনন্দন উপস্থিতিৰ বাবে উপযুক্ত। এই বাহনখনৰ ভাৰতত মূল্য প্ৰায় ১ কোটি টকা।

মহেন্দ্ৰ সিং ধোনীৰ বাইকৰ সংগ্ৰহ

Yamaha RD350
Yamaha YZF600R Thundercat
Kawasaki Ninja H2
Kawasaki Ninja ZX-14R
Confederate Hellcat X132
Ducati 1098
Harley-Davidson Fat Boy
BSA Gold Star
Norton Jubilee 250

বিভিন্ন তথ্যৰ সহায়ত এই প্ৰতিবেদন যুগুতাইছে মানসজ্যোতিয়ে

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ