মেটাই হোৱাটছএপত এটা নতুন ফিচাৰসহ চাৰিটা সুবিধা সংযোজন কৰিছে৷ নতুন এই ফিছাৰটোৰ নাম হৈছে কমিউনিটি’৷
হোৱাটছএপে এতিয়াৰে পৰা সকলোবোৰ গোটকে সংলগ্ন কৰি এটা ‘কমিউনিটি’ সৃষ্টি কৰাৰ সুবিধা প্ৰদান কৰিব। লগতে পূৰ্বতকৈ হোৱাটছএপক যথেষ্ট সংগঠিত কৰা হ’ব৷ ইয়াৰ লগতে বিভিন্ন গোটৰ ভিৰৰ মাজত জৰুৰীকালীন গোটৰ বাৰ্তা বিচাৰিবলৈ ব্যৱহাৰকাৰীসকলে সন্মুখীন হৈ অহা সমস্যাৰ পৰা সকাহ লাভো কৰিব৷
লগতে পঢ়ক হোমৰ গুৰিত ৭ পাকৰ ঠাইত কিয় ৪ পাকহে ঘূৰিলে আলিয়া ৰণবীৰে? ভাতৃয়ে কৰিলে প্ৰকাশ
হোৱাটছএপৰ মূল কোম্পানী মেটাৰ মুৰব্বী মাৰ্ক জুকাৰবাৰ্গে বৃহস্পতিবাৰে নিশা ফেচবুকত এই নতুন সুবিধাসমূৰ কথা ঘোষণা কৰে। তেওঁ কয় যে ব্যৱহাৰকাৰীসকলে দীৰ্ঘদিন ধৰি এইসমূহ সমস্যা সমাধানৰ বাবে অনুৰোধ কৰি আহিছিল আৰু ইয়াৰ ফলশ্ৰুতিতে জৰুৰীভাৱে এই সুবিধাসমূহৰ উপলদ্ধ কৰাৰ বাবে চেষ্টা চলোৱা হৈছে৷
কিন্তু এই ‘কমিউনিটি’টো কি হ’ব? হোৱাটছএপৰ এজন মুখপাত্ৰই কয় যে কমিউনিটিটো গোটবোৰৰ প্ৰধান হ’ব। যিকোনো লোকে এটা কমিউনিটি সৃষ্টি কৰিব পাৰিব আৰু একাধিক গোটক ইয়াৰ সদস্য হ’বলৈ আমন্ত্ৰণ জনাব পাৰিব। কিন্তু এটা গোটে কমিউনিটিৰ সদস্য হ’ব নে নহয় সেইটো গোটৰ প্ৰশাসকে সিদ্ধান্ত ল’ব।
লগতে পঢ়ক ‘দ্য কাশ্মীৰ ফাইলছ’ কিয় নাচালে বলিউদৰ জনপ্ৰিয় শিল্পী চুনু নিগমে?
কমিউনিটি সেৱাৰ উপৰিও হোৱাটছএপত চাৰিটা নতুন সুবিধা যোগ দিয়া হৈছে।
সেই চাৰিটা হৈছে, হোৱাটছএপে এতিয়া ফেচবুকৰ দৰে যিকোনো বাৰ্তাৰ সঁহাৰি দিয়াৰ সুযোগ দিব। দ্বিতীয়তে, প্ৰশাসকে গোটৰ যিকোনো বাৰ্তা বিলোপ কৰিব পাৰিব। তৃতীয়তে, হোৱাটছএপত ৩২ জন লোকক এতিয়া গোটত ৰাখি ফোন কৰিব পাৰিব আৰু চতুৰ্থতে ২ জিবিলৈকে যিকোনো ফাইল শ্বেয়াৰ কৰিব পাৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
