টকাৰ নাটনি, কিন্তু তথাপি ভাৰতত কিমান নোট ছপা কৰিব লাগে সেয়া কোনে সিদ্ধান্ত লয়?
সাধাৰণ নাগৰিকৰ মনত প্ৰায়ে এটা প্ৰশ্ন উত্থাপন হোৱা দেখা যায়, যেতিয়াই মুদ্ৰাস্ফীতি বা নগদ ধনৰ নাটনি হয়, তেতিয়া কিয় প্ৰয়োজনীয় নোট ছপা কৰা নহয়। কোনে সিদ্ধান্ত লয় যে ভাৰতত কিমান নোট বা মুদ্ৰা ছপা হ’ব লাগে । ইয়াৰ পাছতো আছে আইনী ব্যৱস্থা। যধে মধে নোট ছপা কৰিব নোৱাৰে, ই বে-আইনী।
ভাৰতে মুদ্ৰা ছপা কৰাৰ ক্ষেত্ৰত এক আইনী আৰু অৰ্থনৈতিক প্ৰক্ৰিয়া অনুসৰণ কৰে। ভাৰতৰ মূল বেংক ভাৰতীয় ৰিজাৰ্ভ বেংক আৰু কেন্দ্ৰীয় চৰকাৰ দুয়োটা এই প্ৰক্ৰিয়াৰ লগত জড়িত।
কিমান মুদ্ৰা ছপা কৰিব সেইটো নিৰ্ণয় কৰাত ভাৰতীয় ৰিজাৰ্ভ বেংকে মূল ভূমিকা পালন কৰে। ভাৰতীয় ৰিজাৰ্ভ বেংক আইন, ১৯৩৪ৰ ২২ নং ধাৰাত ভাৰতত আৰ বি আইৰ একমাত্ৰ আইনী কৰ্তৃত্ব আছে, যিয়ে ২ টকাৰ পৰা ২,০০০ টকালৈকে সকলো মূল্যকে সামৰি লৈছে।
কিন্তু এই ক্ষমতাৰ অৰ্থ এইটো নহয় যে আৰ বি আইয়ে ইচ্ছাকৃতভাৱে ধন ছপা কৰিব পাৰে। প্ৰতি বছৰে আৰ বি আইয়ে অৰ্থনীতিৰ বাবে কিমান মুদ্ৰাৰ প্ৰয়োজন হ’ব সেই কথা অনুমান কৰে। জিডিপি বৃদ্ধি, মুদ্ৰাস্ফীতিৰ ধাৰা, পুৰণি বা বেয়া নোট আদিৰ পৰিৱৰ্তন এই অনুমানৰ অন্তৰালত পৰে।
আৰ বি আইয়ে মুদ্ৰাৰ প্ৰয়োজনীয়তাৰ অনুমান আৰু পৰিকল্পনা কৰে। অৱশ্যে কিছুমান দিশত চূড়ান্ত মতামত ভাৰত চৰকাৰে লয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
