কোনে প্ৰথমে দেখা পাইছিল তৰুণী চিকিৎসকৰ মৃতদেহ? আৰ জি কৰৰ তৰুণী চিকিৎসকক হত্যা আৰু ধৰ্ষণৰ ১২ দিন পাৰ হৈছে৷ কলকাতা আৰক্ষীৰ সৈতে একেলগে এই তদন্ত চলাই আছে চিবিআইয়ে৷ কিন্তু প্ৰাথমিক প্ৰশ্নৰ উত্তৰ এতিয়াও স্পষ্টভাৱে পোৱা নাই বুলি দাবী কৰিছে সূত্ৰই৷
ভাইৰেল খবৰ অনুসৰি এই উত্তৰ বিচাৰিয়েই মূৰৰ ঘাত মাটিত পেলাইছে তদন্তকাৰী সংস্থাই৷ প্ৰথম দিনাৰ পৰাই অভিযোগ উঠিছিল, কাৰোবাক সংৰক্ষণ দিব বিচাৰিছে প্ৰশাসনে৷ আন্দোলনকাৰী চিকিৎসকৰ প্ৰশ্ন, নাম গোপন কৰাৰ ৰহস্য কি ভেদ কৰিব পাৰিবনে চিবিআইয়ে?
কলকাতা আৰক্ষীৰ তৰফৰ পৰা দাবী কৰা হৈছিল যে, চিকিৎসকৰ দেহ প্ৰথম দেখা গৈছিল বিয়লি চাৰে ন বজাত৷ দাবী, আৰক্ষীৰ ওচৰত খবৰ পাইছিলগৈ দিনৰ ১০ বাজি ১০ মিনিটত৷ আৰক্ষী সূত্ৰৰ খবৰ অনুসৰি ইয়াৰ পাছতেই আৰক্ষী অফিচাৰ গৈ সেই হাস্পতালৰ আৰক্ষীয়ে সেই হাস্পতালত নিযুক্ত হৈ থকা আৰক্ষী কৰ্মীৰ কাঢ়া দায়িত্বৰ মাজত সেই ঘটনাস্থলীৰ ছেমিনাৰ হললৈ যায় আৰক্ষী বিষয়া৷ কিন্তু মৃতদেহ কোনে প্ৰথমে প্ৰত্যক্ষ কৰিছিল সেই কথা এতিয়াও জানিব পৰা হোৱা নাই৷ আৰক্ষীও সেই সম্পৰ্কে জ্ঞাত নহয়৷ তদন্তৰ দায়িত্বত থকা এগৰাকী আৰক্ষীৰ মত, ‘আমাৰ প্ৰথম লক্ষ্য আছিল কোনে কাণ্ডটো সংঘটিত কৰিছে তেওঁলোকক ধৰা৷ কোনে প্ৰথমে মৃতদেহ দেখিছে সেই বিষয়টো নহয়৷ আমি চিবিআইৰ হাতত তদন্তভাৰ অৰ্পণ কৰিছো৷’
সেইদিনা কি ঘটিছিল মৃতদেহ উদ্ধাৰৰ পাছত?
সেই হাস্পতালৰ সৈতে যুক্ত এগৰাকী চিকিৎসকৰ দাবী, ‘কিবা এটা ঘটিছে বুলি ১১ বজাত আমি খবৰ পাইছিলো৷ তেতিয়াই লগে লগে আৰক্ষী সেই বিল্ডিংৰ কাষলৈ গৈছিল৷ আমাৰ এগৰাকী সহকৰ্মীয়ে প্ৰথমে মৃতদেহটো প্ৰত্যক্ষ কৰিছিল৷ মই ৰাস্তা চিনি পাওঁ কাৰণে ছেমিনাৰ হলৰ কাষলৈ লৰ ধৰিছিলো৷ গৈ দেখো ছেমিনাৰ হলৰ ওচৰত আৰক্ষীয়ে পহৰা দি আছে৷ তাৰপাছতেই দেখো এগৰাকী অধ্যক্ষ সেই ঘৰৰ পৰা ওলাই আহিছে৷ তেওঁ নিজেই সেই স্থানত থিয় হৈ কয় যে আমি ৮বজাত সেই স্থানত উপস্থিত হৈছিলো৷’ আৰু এগৰাকী জন স্বাস্থ্যকৰ্তাও সেই ছেমিনাৰ ৰুমলৈ গৈছিল বুলি তেওঁ দাবী কৰে৷
সূত্ৰৰ খবৰ অনুসৰি ৩৬ ঘণ্টা কাম কৰাৰ পাছত সেই দিনা তৰুণীৰ ইউনিট সলনি কৰাৰ কথাও আছিল৷ পুৱা ৮ বজাত ইউনিট সলনি হয় সেই হাস্পতালত৷ ফলত নতুন ইউনিটত যিসকল আছিল তেওঁলোকে কিয় তৰুণী চিকিৎসকৰ খবৰ লোৱা নাছিল সেই প্ৰশ্নও উঠিছে৷ আন্দোলনকাৰী চিকিৎসকৰ দাবী, ‘তৰুণীগৰাকীয়ে নিজৰ ইউনিটৰ সকলোতকৈ অভিজ্ঞ চিকিৎসক আছিল৷ পুৱাই তেওঁ ইউনিটলৈ অহা ৰোগীও চাইছিল৷ কিন্তু তেনে এগৰাকী অভিজ্ঞ চিকিৎসক নথকাৰ খবৰ কিয় লোৱা হোৱা নাছিল৷ কিন্তু সেইদিনা নতুন ইউনিটে ১০ বজাৰ পাছতহে চিকিৎসকগৰাকীৰ খবৰ লৈছিল৷ কিয় ইমান দেৰীকৈ ইউনিট সলনি কৰা হৈছিল?’ স্পষ্ট উত্তৰ এতিয়াও কাৰো হাতত নাই৷
মৃতকৰ পৰিয়ালক ফোন কৰিছিল এজন এছিচটেণ্ট ছুপাৰে৷ তেওঁ কৈছিল, ‘আপোনালোকৰ কন্যা আত্মঘাতী হৈছে৷’ কিন্তু কিহৰ ভিত্তিত তেওঁ মৃতকৰ পৰিয়ালক এই খবৰ দিছিল? সূত্ৰৰ খবৰ অনুসৰি জেৰাত সেই মহিলা এছিচটেণ্ট ছুপাৰে দাবী কৰিছে যে, মৃতদেহ পৰি আছে বুলি খবৰ লাভ কৰি তেওঁ পালমোনাৰি মেডিছিন বিভাগৰ এগৰাকী এছিচটেণ্ট প্ৰফেচাৰৰ পৰা৷ মৃতা তৰুণীৰ ইউনিটত এইগৰাকী এছিচটেণ্ট প্ৰফেচাৰৰ অধীনতেই কাম কৰিছিল৷ সেয়ে এছিচটেণ্ট প্ৰফেচাৰগৰাকীয়েই মৃতকৰ পৰিয়ালক ফোন কৰি সেই স্থানলৈ মাতিছিল৷ আৰক্ষীয়ে যি কৈছিল তাকেই পৰিয়ালক কৈছিল বুলি জনাইছে ঘৰলৈ খবৰ দিয়া এছিচটেণ্ট প্ৰফেচাৰগৰাকীয়ে৷
এই ঘটনাক লৈ মুখ খুলিছে উচ্চতম ন্যায়ালয়েও৷ শীৰ্ষ আদালতে জনাইছে যে, কিয় মৃতদেহ উদ্ধাৰ হোৱাৰ পাছতো তৎকালীনভাৱে অধ্যক্ষই অভিযোগ দায়েৰ কৰাৰ সলনি নিশালৈ বাট চালে৷ যি অৱস্থাত তৰুণীৰ মৃতদেহ উদ্ধাৰ হয় সেয়া স্বাভাৱিক নাছিল, সেয়া বুজিও কিয় ইমান সময় ৰৈ থাকিল আৰক্ষী৷ এই গাফিলতিৰ কাৰণো বিচাৰিছে এতিয়া ছুপ্ৰিম কৰ্টে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
