জানেনে, আপুনি চিনি পোৱা এ আৰ ৰহমান পূৰ্বে আছিল দিলীপ কুমাৰ, নাম সলনিৰ পাছৰ কাহিনী কি
অস্কাৰ বিজয়ী সংগীতকাৰ তথা গায়ক এ আৰ ৰহমান বৰ্তমান সময়ত সংবাদ মাধ্যমৰ বাতৰিৰ শিৰোনামত। ২৯ বছৰীয়া বিবাহ বিচ্ছেদৰ খবৰ বৰ্তমানে আকৰ্ষণৰ কেন্দ্ৰ বিন্দু হৈ পৰিছে এ আৰ ৰহমান। কোনোদিনে পৰিয়ালৰ লোকক কেমেৰাৰ আগলৈ ননা, ব্যক্তিগত জীৱন সদায়ে লাইমলাইটৰ পৰা আঁতৰাই ৰখা এ আৰ ৰহমানৰ খবৰে এতিয়া সকলোফালে চৰ্চিত।
এ আৰ ৰহমানৰ জন্ম ৬ জানুৱাৰী ১৯৬৬ চনত চেন্নাইত জন্ম হৈছিল ৰহমানৰ। জন্মতে তেখেতৰ নাম আছিল দিলীপ কুমাৰ। যি কথা হয়তো বহু লোকেই নাজানে। বা তেখেতৰ এই নাম সলনিৰ কাৰণ হয়তো নাজানে।
প্ৰথমাৱস্থাত হিন্দু ধৰ্মৰ হলেও পাছলৈ এগৰাকী ছুফী লোকৰ পৰামৰ্শ অনুসৰি হিন্দুৰ পৰা ইছলাম ধৰ্ম গ্ৰহণ কৰিছিল। আৰু নিজৰ নাম দিলীপ কুমাৰৰ পৰা আল্লাহ ৰকখা ৰহমান (Allah Rakha Rahman) কৰি লৈছিল।
তেওঁৰ এই যাত্ৰা কেৱল ব্যক্তিগত নাছিল, নতুন পৰিচয় লৈ সংগীত জগতত প্ৰৱেশ কৰি আজি বিশ্বৰ শ্ৰেষ্ঠ সংগীতজ্ঞৰ ভিতৰত অন্যতম হৈ পৰিছে।
ৰহমানৰ পিতৃ আৰ কে শেখৰ মালয়ালম ছবিৰ সুৰকাৰ আছিল। অৱশ্যে ৰহমানৰ শৈশৱ সংগ্ৰামেৰে ভৰা আছিল। মাত্ৰ ৯ বছৰ বয়সতে পিতৃক হেৰুৱাই পৰিয়ালটোৱে গভীৰ আৰ্থিক দুৰ্দশাৰ সন্মুখীন হ’বলগীয়া হৈছিল। পৰিস্থিতি ইমানেই বেয়া হৈ পৰিছিল যে এসাঁজ খাদ্যৰ বাবে ঘৰৰ বাদ্যযন্ত্ৰবোৰো এটা এটাকৈ বিক্ৰী কৰিবলগীয়া হৈছিল। কিন্তু এই অসুবিধাবোৰে ৰহমানক ভাঙি পেলোৱাৰ পৰিৱৰ্তে তেওঁক অধিক শক্তিশালীহে কৰি তুলিছিল।
ৰহমানৰ বয়স ১১ বছৰ বয়সত শৈশৱৰ বন্ধু শিৱমণিৰ সৈতে মিলি ‘ৰহমান বেণ্ড ৰুটছ’ত নামৰ গ্ৰুপ খুলি চিন্থেচাইজাৰ বাদ্যযন্ত্ৰ বজাবলৈ আৰম্ভ কৰিছিল। পাছলৈ তেঁওলোকে চেন্নাইৰ বিখ্যাত বেণ্ড ‘নেমেছিছ এভিনিউ’ও প্ৰতিষ্ঠা কৰিছিল।
লণ্ডনৰ ট্ৰিনিটি কলেজৰ পৰা বৃত্তি লাভ কৰাৰ পাছত ৰহমানৰ সংগীতৰ ভাবমূৰ্তি আৰু অধিক উন্নত হয়। তাতেই তেওঁ পশ্চিমীয়া শাস্ত্ৰীয় সংগীতৰ শিক্ষা লাভ কৰে, যাৰ ফলত তেওঁৰ সংগীতৰ বৈচিত্ৰ্য আৰু গভীৰতা আহি পৰে।
সংগীত জগতত আত্মপ্ৰকাশ কৰাৰ পিছত ৰহমানে ১৯৯২ চনত চলচ্চিত্ৰ পৰিচালক মণিৰত্নমৰ ছবি ‘ৰোজা’ৰ জৰিয়তে প্ৰথম ছবি লাভ কৰে। এই ছবিখনৰ সংগীতে ৰহমানক ৰাতিটোৰ ভিতৰতে তাৰকাত পৰিণত কৰি তোলে। প্ৰথমখন ছবিৰ বাবে তেওঁক ফিল্মফেয়াৰ বঁটাৰে সন্মানিত কৰা হয়। ইয়াৰ পিছত ৰহমানে নিজৰ সংগীত শৈলীৰে বলীউডৰ পৰা হলিউডলৈ এক বিশেষ স্থান ৰাখে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
