‘শ্ৰীভূমি’ত আনন্দ উল্লাহ, বহু বছৰৰ মূৰকত পূৰণ হ’ল ৰবীন্দ্ৰনাথ ঠাকুৰৰ বৰ্ণনা
পোৰ্ট ব্লেয়াৰ গুচি শ্ৰী বিজয়া পুৰম হোৱাৰ পাছত এইবাৰ অসমৰো এখন জিলাৰ নাম সলনি। কৰিমগঞ্জ হলগৈ ‘শ্ৰীভূমি’। এতিয়াৰে পৰা সকলো কাগজে পত্ৰই , সকলো কামতে কৰিমগঞ্জ ‘শ্ৰীভূমি’ বুলি জনা যাব।
এক সংবাদমেলত এই বিষয়ে কালি ১৯ নৱেম্বৰ তাৰিখে সদৰি কৰে অসমৰ মুখ্যমন্ত্ৰী হিমন্ত বিশ্ব শৰ্মাই। এই নাম সলনিৰ কথা উল্লেখ কৰি তেখেতে কয়- ১০০ বছৰ পূৰ্বে ‘কবিগুৰু’ ৰবীন্দ্ৰনাথ ঠাকুৰে কৰিমগঞ্জ জিলাক ‘শ্ৰীভূমি’ বুলি বৰ্ণনা কৰিছিল। অৰ্থাৎ মা লক্ষ্মীৰ ভূমি। অসম কেবিনেটে আমাৰ মানুহৰ এই দীৰ্ঘদিনীয়া দাবী পূৰণ কৰিছে।
অসমৰ মুখ্যমন্ত্ৰীয়ে এখন ছবি শ্বেয়াৰ কৰি কয় যে কৰিমগঞ্জক শ্ৰীভূমি নামেৰে নামাকৰণ কৰাৰ সিদ্ধান্তই ” জিলাখনৰ জনসাধাৰণৰ আশা আৰু আকাংক্ষাক প্ৰতিফলিত কৰিব”। লগতে ইয়াকো কয় যে, পাছলৈ পৰ্যায়ক্ৰমে অসমৰ বহু গাঁও আৰু অঞ্চলৰ নামো সলনি কৰা হ’ব।
বৰ্তমানে কৰিমগঞ্জ গুচি ‘শ্ৰীভূমি’ হোৱা জিলাত জনতাৰ মাজত আনন্দ উল্লাহ দেখা পোৱা গৈছে। ফটকা ফুটাই বহু ঠাইত সুখ ব্যক্ত কৰিছে ‘শ্ৰীভূমি’ৰ জনতাই।
উল্লেখ্য যে, কেন্দ্ৰীয় চৰকাৰে ছেপ্টেম্বৰ মাহত আন্দামান আৰু নিকোবৰ দ্বীপপুঞ্জৰ ৰাজধানী প’ৰ্ট ব্লেয়াৰৰ নাম সলনি কৰি শ্ৰী বিজয়া পুৰম নামেৰে নামাকৰণ কৰিছিল আৰু কেন্দ্ৰীয় গৃহমন্ত্ৰী অমিত শ্বাহে কয় যে “প্ৰধানমন্ত্ৰী নৰেন্দ্ৰ মোডীৰ ঔপনিৱেশিক ছাপৰ পৰা মুক্ত কৰাৰ দৃষ্টিভংগী” বাস্তৱায়িত কৰিবলৈ এই কাম কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
