প্ৰেমে নামানে বয়সৰ সীমা৷ এই কথাকে আকৌ এবাৰ প্ৰমাণ কৰিছে এগৰাকী ২৭ বছৰীয়া যুৱক আৰু ৭৪ বছৰীয়া বৃদ্ধাই৷ বয়সৰ সীমাক নেওচি এই দুই প্ৰেমিক-প্ৰেমিকাই বিবাহপাশত আৱদ্ধ হ’ব৷ তেওঁলোকৰ মাজৰ বয়সৰ ব্যৱধান হৈছে প্ৰায় ৪৭ বছৰ৷
৭৪ বছৰীয়া কেথী জেনকিন্সে এডাল্ট ফ্ৰেণ্ড ফাইণ্ডাৰ চাইটত আমেৰিকাৰ টেক্সাছৰ ২৭ বছৰীয়া দেৱঘ্না অব্ৰিকৰে পৰিচয় ঘটিছিল। ইয়াৰ পাছতে দুয়ো সিদ্ধান্ত ল’লে যে প্ৰথমে ইজনে সিজনক সুশৰীৰে সাক্ষাৎ কৰিব। দুয়োৰে সাক্ষাৎ ঘটাৰ পাছতে তেওঁলোকৰ মাজত আৰম্ভ হয় প্ৰেমৰ সম্পৰ্ক৷
এবছৰতকৈও অধিক সময় ধৰি তেওঁলোক প্ৰেমৰ সম্পৰ্কত আছে। এতিয়া তেওঁলোকে এই সম্পৰ্কক স্থায়ী নাম আৰু পৰিচয় দিব খুজিছে৷
লগতে পঢ়ক পাৰিবাৰিক সংঘাত! ছমহীয়া সংসাৰ ভাঙি চুৰমাৰ, পুখুৰীত জাঁপ দি আত্মহনন কমল-সুৰভীৰ
সংবাদ পত্ৰ দ্য মিৰ’ৰৰ মতে দেৱঘ্নই কয় যে ‘‘মই তেওঁৰ ফ’টো দেখা পাইছিলো। মই তেওঁৰ প্ৰফাইলটো পঢ়ি মেছেজ কৰিলো এই আশাৰে যে মই এটা ৰিপ্লাই পাম। তেৱোঁ অনলাইন আছিল আৰু উত্তৰ দিলে। মই কেথীৰ ফোন নম্বৰটো বিচাৰিলো আৰু তেওঁ লগে লগে নম্বৰটো দিলে।’’
দেৱঘ্নাই লগতে কয় যে নম্বৰ বিনিময়ৰ পিছত তেওঁলোকে চাৰি মাহ ধৰি কথা পাতিছিল। ইয়াৰ পিছত দুয়োৰে লগ হৈছিল। কেথীয়ে ইয়াৰ আগতেও বহু সম্পৰ্কত আছিল যদিও তেওঁ কেতিয়াও বিয়া কৰাই নাছিল। তেওঁ এগৰাকী অৱসৰপ্ৰাপ্ত বৃদ্ধা মহিলা। তেওঁৰ চাৰিটা সন্তান, ১৩ গৰাকী নাতি আৰু ৩৬ গৰাকী প্ৰপৌত্ৰ আছে।
লগতে পঢ়ক প্ৰাক-স্বাধীন কালৰ ভাৰতৰ জাতীয় পতাকা উদ্ধাৰ, ৯০ বছৰে আৱদ্ধ হৈ আছিল এটা ট্ৰাঙ্কত!
দেৱঘ্নাই ৱালমাৰ্টত ষ্টকাৰ হিচাপে কাম কৰে। ২৪ বছৰ বয়সত বিবাহপাশত আবদ্ধ হৈছিল। অৱশ্যে তেওঁলোকৰ সন্তান নাই। কেথীক লগ পোৱাৰ কিছু সময়ৰ আগতে ২০২১ চনত তেওঁৰ বিবাহ বিচ্ছেদ হয়। তেওঁ স্বীকাৰ কৰিছে যে কেথীৰ সৈতে তেওঁৰ সম্পৰ্ক পূৰ্বৰ সম্পৰ্কৰ পৰা পৃথক।
দেৱঘ্নাই লগতে কয় যে কেথী তেওঁৰ বাবে নিখুঁত। তেওঁ জীৱনত বহুত অভিজ্ঞ আৰু মোক বহুত শিকাইছে। আমি কেতিয়াও কাজিয়া নকৰো। আমি বিৰক্ত নোহোৱাকৈ বহু ঘণ্টা কথা পাতিব পাৰো আৰু তেওঁৰ ওপৰত মোৰ সম্পূৰ্ণ বিশ্বাস আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
