চিকিৎসকৰ অৱহেলাৰ বাবেই ৰোগীৰ মৃত্যু ঘটা বুলি বিভিন্ন সময়ত অভিযোগ উত্থাপন হৈ আহিছে৷ এনে কাণ্ডসমূহৰ তদন্তৰ প্ৰক্ৰিয়া আৰম্ভ কৰিলেও চিকিৎসকৰ বিৰুদ্ধে দৃষ্টান্তমূলক ব্যৱস্থা গ্ৰহণ কৰা প্ৰায়ে দেখা নাযায়৷
কিন্তু ইয়াৰ মাজতে এনে ধৰণৰ এক ঘটনা পোহৰলৈ আহিছে যে ৰোগীৰ চিকিৎসাত গাফিলতি কৰাৰ অভিযোগত এগৰাকী মহিলা স্ত্ৰীৰোগ বিশেষজ্ঞৰ বিৰুদ্ধে আৰক্ষীয়ে গোচৰ ৰুজু কৰিছে৷
ঘটনাটো মহাৰাষ্ট্ৰৰ জালনা চহৰৰ এখন ব্যক্তিগত চিকিৎসালয়ৰ৷ ঘটনাৰ বিৱৰণীৰ মতে ব্যক্তিগত চিকিৎসালয়খনত প্ৰসৱৰ পিছত এগৰাকী ২৬ বছৰীয়া মহিলাৰ চিকিৎসাৰ ক্ষেত্ৰত সংশ্লিষ্ট স্ত্ৰীৰোগ বিশেষজ্ঞগৰাকীয়ে গাফিলতি কৰাৰ অভিযোগ উত্থাপন হয়৷
লগতে পঢ়ক তৰুণ প্ৰজন্মৰ মাজত হৃদৰোগৰ বৃদ্ধিৰ কাৰণ আৰু ইয়াৰ প্ৰতিকাৰ কি কি?
বিষয়টোৰ সন্দৰ্ভত চিকিৎসকগৰাকীৰ বিৰুদ্ধে তদন্ত আৰম্ভ কৰা হয়৷ উক্ত তদন্তত চিকিৎসকগৰাকীয়ে ৰোগীগৰাকীৰ চিকিৎসাৰ ক্ষেত্ৰত গাফিলতি কৰাৰ প্ৰমাণ পোৱা গৈছে৷ চৰকাৰী চিকিৎসকৰ পেনেলে অভিযুক্ত চিকিৎসকগৰাকীৰ বিৰুদ্ধে প্ৰতিবেদন দিয়াৰ পিছতে আৰক্ষীয়ে গোচৰ ৰুজু কৰিছে।
বিষয়টোৰ তদন্ত কৰা চৰকাৰী চিকিৎসালয় আৰু চিকিৎসা মহাবিদ্যালয় চমুকৈ জি এইচ এম চিৰ জ্যেষ্ঠ চিকিৎসকৰ কমিটীৰ প্ৰতিবেদনৰ উদ্ধৃতি দি দেওবাৰে আৰক্ষী বিষয়াই কয় যে সংশ্লিষ্ট চিকিৎসকগৰাকীয়ে প্ৰসূতিগৰাকীক অনভিজ্ঞ নাৰ্চিং কৰ্মচাৰীৰ হাতত এৰি মৰ্নিং ৱাক কৰিবলৈ গৈছিল।
উল্লেখ্য যে ২০২২ চনৰ ১৩ এপ্ৰিলত জালনাৰ চিকিৎসালয়ত প্ৰসৱৰ বাবে নেহা লিধোৰীয়া নামৰ মহিলাগৰাকীক ভৰ্তি কৰোৱা হৈছিল। আৰক্ষীয়ে জনোৱা মতে, যোৱা ১৩ এপ্ৰিলত নেহা লিধোৰীয়া মহিলাগৰাকীয়ে সন্তান জন্ম দিয়াৰ পিছত ব্যাপক ৰক্তক্ষয়ৰ আৰম্ভ হয়৷ প্ৰচণ্ড ৰক্তক্ষৰণৰ পিছতে প্ৰসূতি মহিলাগৰাকীৰ মৃত্যু হয়। মহিলা ৰোগীগৰাকীৰ স্বামীয়ে তেওঁৰ পত্নীৰ মৃত্যুৰ তদন্তৰ দাবীত চৰকাৰী জিলা চিকিৎসালয়ত এজাহাৰ দাখিল কৰে। ইয়াৰ পিছতে এই অভিযোগৰ ভিত্তিতে তদন্তৰ বাবে জি এম চি এইচৰ পেনেল প্ৰেৰণ কৰা হয়।
লগতে পঢ়ক যদি আপুনি অকলে ৰেষ্টুৰেণ্ট বা চিনেমালৈ যাব পাৰে, আপুনি জীৱনত যিকোনো কাম কৰিব পাৰে
‘‘তাই এটি সুস্থ সন্তান প্ৰসৱ কৰিছিল। ১৩ এপ্ৰিলৰ পুৱা মহিলা চিকিৎসকগৰাকীয়ে অনভিজ্ঞ নাৰ্চিং ষ্টাফৰ সৈতে ৰোগীক এৰি মৰ্নিং ৱাকলৈ যোৱাৰ সময়ত পি পি এইচ ৰোগত আক্ৰান্ত হৈছিল। চিকিৎসক আৰু নাৰ্চিং কৰ্মচাৰীয়ে ৰোগীক প্ৰয়োজনীয়তাৰ বিষয়ে অৱগত কৰা নাছিল।’’ এজন আৰক্ষী বিষয়াই কয়।
তেওঁ কয়, ‘‘চিকিৎসকে ৰোগীৰ অৱস্থা আৰু তেজৰ প্ৰয়োজনীয়তাৰ বিষয়ে সঠিক তথ্য নিদিলে। যাৰ ফলত অত্যধিক তেজ ক্ষয় হৈ নেহাৰ মৃত্যু হয়।’’
আৰক্ষী বিষয়াগৰাকীয়ে কয় যে চিকিৎসকৰ গাফিলতিৰ ফলত ৰোগীগৰাকী মৃত্যুমুখত পৰাৰ সন্দৰ্ভত ভাৰতীয় দণ্ডবিধি আইন ৩০৪ নং ধাৰাৰ অধীনত স্ত্ৰীৰোগ বিশেষজ্ঞগৰাকীৰ বিৰুদ্ধে গোচৰ ৰুজু কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
