আজিকালি ভাৰতবৰ্ষৰ বিভিন্ন চহৰত লাইভ-ইনত বসবাস কৰা প্ৰেমিক-প্ৰেমিকাৰ সংখ্যা দ্ৰুত গতিত বৃদ্ধি পাবলৈ ধৰিছে৷ এনে সম্পৰ্কতো বিবাহিত দম্পতীৰ দৰে প্ৰেমিক-প্ৰেমিকাৰ মাজত কাজিয়াৰ সূত্ৰপাত হোৱাটো সাধাৰণ কথা হৈ পৰিছে।
কিন্তু এনে সম্পৰ্কত থকা এহাল প্ৰেমিক দম্পতীৰ এক চাঞ্চল্যকৰ ঘটনা পোহৰলৈ আহিছে, যি ঘটনাৰ বিষয়ে শুনিলে আপোনাৰো বুকু কঁপি উঠিব৷ গাজিয়াবাদ চহৰত লিভ-ইনত বসবাস কৰা এই প্ৰেমিক দম্পতীৰ প্ৰেমিকাগৰাকীয়ে নিজৰ প্ৰেমিকক নৃশংসভাৱে হত্যা কৰিছে।
আৰক্ষীয়ে প্ৰকশ কৰা মতে মাত্ৰ এটা সাধাৰণ কথাৰ বাবেই এই হত্যাকাণ্ডটো সংঘটিত কৰা হৈছে৷ ইতিমধ্যে হত্যাকাণ্ডৰ সন্দৰ্ভত আৰক্ষীয়ে প্ৰেমিকাগৰাকীক গ্ৰেপ্তাৰ কৰিছে আৰু আৰক্ষীৰ জেৰাত প্ৰেমিকাগৰাকীয়ে প্ৰেমিকক কিয় হত্যা কৰিলে সেই কথা প্ৰকাশ কৰিছে৷
লগতে পঢ়ক এইখন ভাৰতৰে নদীত ঘঁৰিয়ালৰ আক্ৰমণত নিহত যুৱক, কে’বাঘণ্টাৰ পিছত মৃতদেহ উদ্ধাৰ
যোৱা শনিবাৰে নিশা স্থানীয় টহলদাৰী আৰক্ষীৰ দলে এগৰাকী যুৱতীয়ে এটা গধুৰ ট্ৰলী বেগ টানি থকা দেখা পাই তালাচী চলায়। যুৱতীগৰাকীয়ে ৰাতি টহলদাৰী আৰক্ষী দলটোৰ বাহনখন দেখি ৰাস্তাৰ কাষলৈ যাবলৈ চেষ্টা কৰে। যুৱতীগৰাকীক দেখি আৰক্ষীৰ সন্দেহ হয় আৰু ট্ৰলী বেগটোৰ তালাচী আৰম্ভ কৰে। বেগটো খুলি দিয়াৰ লগে লগে ভিতৰত এজন ব্যক্তিৰ মৃতদেহ উদ্ধাৰ হয়।
আৰক্ষীয়ে যুৱতীগৰাকীক সোধা-পোছা কৰাত তুলসী নিকেতন গাজিয়াবাদৰ বাসিন্দা দীপক যাদৱৰ পত্নী প্ৰীতি শৰ্মা বুলি পৰিচয় দিয়ে। যুৱতীগৰাকীয়ে মৃতদেহটো তেওঁৰ লাইভ-ইনৰ সংগী ফিৰোজ বুলি স্বীকাৰোক্তি দিয়ে।
যুৱতীগৰাকীয়ে কয় স্বামী দীপক যাদৱক ত্যাগ কৰি যোৱা ৩-৪ বছৰ ধৰি ফিৰোজৰ সৈতে লাইভ-ইনত বসবাস কৰি আছিল। কিন্তু যোৱা ৬ আগষ্টৰ নিশা দুয়োৰে মাজত বিবাহ সন্দৰ্ভত বিবাদৰ সৃষ্টি হয়। যুৱতীগৰাকীয়ে নিজৰ সংগী ফিৰোজক সোনকালে বিয়া হ’বলৈ হেঁচা দি আছিল যদিও ফিৰোজ নামৰ তেওঁৰ প্ৰেমিকগৰাকীয়ে সেয়া প্ৰত্যাখ্যান কৰি আহিছিল৷
লগতে পঢ়ক
বাৰে বাৰে বিবাহৰ প্ৰসংগটো উত্থাপন কৰাত ফিৰোজে খঙত অগ্নিশৰ্মা হৈ প্ৰীতিক ক’লে, ‘‘তুমি এগৰাকী অতি চালাক মহিলা, তুমি নিজৰ স্বামীৰে নহ’লা! মোৰনো ক’ত হ’বা?’’ সংগীয়ে এই কথাষাৰ কোৱাৰ বাবেই খঙত অগ্নিশৰ্মা হৈ যুৱতীগৰাকীয়ে সংগী ফিৰোজক হত্যা কৰা বুলি আৰক্ষীৰ আগত স্বীকাৰ কৰিছে৷
প্ৰীতিয়ে প্ৰকাশ কৰা মতে নিশা ঘৰত থকা দাঢ়ি কটা ৰেজৰেৰে ফিৰোজক ডিঙি কাটি হত্যা কৰিলে আৰু তাৰ পিছত মতৃদেহটো ভৰাবলৈ ৰাতিপুৱা সীলমপুৰৰ পৰা এটা ডাঙৰ ট্ৰলী বেগ কিনি আনিলে। ইয়াৰ পাছতে দেওবাৰে নিশা প্ৰীতিয়ে ফিৰোজৰ মৃতদেহটো ট্ৰলী বেগত ভৰাই আৰু গাজিয়াবাদ ৰে’লৱে ষ্টেচনৰ সমীপৰ ৰে’লৰ ছিৰিত ৰাখিবলৈ লৈ গৈছিল।
কিন্তু প্ৰীতিৰ কপাল বেয়া আছিল যে ফিৰোজৰ মৃতদেহটো ৰে’লৱে ষ্টেচনৰ সমীপৰ ৰে’লৰ ছিৰিত পেলাবলৈ লৈ যোৱাৰ পথতে টহলদাৰী আৰক্ষী দলটোৰ হাতত ধৰা পৰি গ্ৰেপ্তাৰ হয়৷ আৰক্ষীয়ে প্ৰকাশ কৰা মতে মৃত ফিৰোজ দিল্লীত কৰ্মৰত এজন নাপিত আছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
