আলেকজেন্দ্ৰা হিল্ডব্ৰেণ্ডৰ বয়স ৬৬ বছৰ। এই বয়সত মাতৃ হৈছে জাৰ্মানীৰ এইগৰাকী প্ৰৌঢ়া। সদ্য়োজাতৰ জন্ম দি দশম সন্তানৰ মাতৃ হৈছে আলেকজেন্দ্ৰা। হাস্পতাল সূত্ৰৰ পৰা জনা গৈছে যে বিগত ১৯ মাৰ্চত চি ছেকছনৰ জৰিয়তে মাতৃ হৈছে আলেকজেন্দ্ৰা। স্বাভাৱিকভৱেই তেওঁ গৰ্ভধাৰণ কৰিছিল। কৃত্ৰিম উপায় আই ভি এফৰ অৱলম্বন কৰা নাছিল। মাতৃ আৰু সদ্যোজান সন্তান ফিলিপ দুজনেই সুস্থ বুলি জনাইছে হাস্পতাল কৰ্তৃপক্ষই।
জন্মৰ সময়ত ফিলিপৰ ওজন আছিল প্ৰায় ৩ কিঃগ্ৰাঃ ৫০০ গ্ৰাম। জানি আচৰিত হব যে ৭০ৰ দশকত আলেকজেন্দ্ৰা প্ৰথম মাতৃ হৈছিল। কন্যাসন্তানৰ জন্ম দিছিল তেওঁ। সেই কন্যাৰ বয়স এতিয়া ৪৬ বছৰ। তাৰপাছতেই আৰু ৮ সন্তানৰ জন্ম দিছে আলেকজেন্দ্ৰাই। প্ৰত্যেক বাৰেই কৰা হৈছে অস্ত্ৰোপচাৰো। ৫০ বছৰত তেওঁ নৱম সন্তানৰ জন্ম দিছিল। তাৰপাছতেই আকৌ ১৬ বছৰৰ পাছত ১৯ মাৰ্চত জন্ম দিয়ে দশম সন্তানৰ।
সংবাদমাধ্যমৰ সন্মুখত আলেকজেন্দ্ৰাই দিয়া সাক্ষাৎকাৰত কয় যে ডাঙৰ পৰিয়াল তেওঁ ভালপায়। কিন্তু সন্তানক ভালধৰণে পালন কৰাটো খুবেই প্ৰয়োজন। স্বাস্থ্যকৰ খাদ্য খুবেই প্ৰয়োজন। কোনো নিছাজাতীয় দ্ৰব্য কাহানিও তেওঁ সেৱন কৰি পোৱা নাই। নিয়মিত সাঁতোৰা, দৌৰা আদি শৰীৰ চৰ্চা কৰে। কোনো জটিলতা নোহোৱাকৈয়ে সেয়ে তেওঁ সন্তান জন্ম দিব পাৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ