অসম লাইভ ২৪ঃ সচাঁকৈয়ে আচৰিত! আজৱ পৃথিৱীৰ আজৱ কাণ্ড৷ স্বামীৰ সৈতে বৈবাহিক জীৱনত সুখী নোহোৱাৰ বাবেই পোহনীয়া কুকুৰৰ সৈতে বিবাহ সম্পন্ন এগৰাকী মহিলাৰ৷ পতিক ডিভোৰ্চ দি পোহনীয়া কুকুৰৰ সৈতে ধুমধামেৰে বিবাহ সম্পন্ন কৰিলে লণ্ডনৰ আমাণ্ডা ৰেজাৰ্চ নামৰ মহিলাগৰাকীয়ে৷ আমাণ্ডা ৰেজাৰ্চৰ নতুন জীৱন সংগীৰ নাম ‘চেবা’৷ মহিলাগৰাকীৰ মতে এগৰাকী জীৱন সংগী হিচাপে প্ৰয়োজনীয় সকলো গুণেই আচে চেবাৰ গাত৷ পূৰ্বৰ স্বামীতকৈ চেবাৰ সৈতে বৈবাহিক জীৱনত অধিক সুখী আমাণ্ডা ৰেজাৰ্চ৷ আমাণ্ডা ৰেজাৰ্চৰ মতে, সৰুৰেপৰাই কইনা হোৱাৰ এটা প্ৰৱল ইচ্ছা আছিল তেওঁৰ৷ কইনাৰ বিশেষ পোছাকযোৰ নিজেই তৈয়াৰ কৰিছে আমাণ্ডা ৰেজাৰ্চএ৷ বিশেষকৈ ‘চেবা’ৰ সৈতে সম্পন্ন হোৱা বিশেষ বিবাহখনক লৈ উৎসুক হৈ আছিল তেওঁ৷ তেওঁৰ ধ্যান ৰাখে চেবাই৷ ২ মাহ বয়সৰ পৰাই চেবাৰ প্ৰেমত পৰিছিল আমাণ্ডা ৰেজাৰ্চ আৰু তেতিয়াই এক হোৱাৰ সপোন দেখিছিল৷ সম্প্ৰতি এই বিবাহক লৈ সুখী আমাণ্ডা ৰেজাৰ্চ ৷ লণ্ডনৰ এটি টেলিভিছন শ্ব’ত প্ৰকাশ কৰিছে এই কথা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
