কালিৰ পৰা দেশত ৰাখী বন্ধন৷ ভাৰতীয় হিন্দু সমাজে ৰাখী বন্ধনক ভাতৃয়ে ভগ্নী ৰক্ষা কাৰৰ বিশেষ দিন হিচাপে পালন কৰে৷
দেশত উদযাপন কৰা ৰাখী বন্ধনৰ মাজতে এখন ভাইৰেল ফ’টোৱে সামাজিক মাধ্যমত বিশেষভাৱে চৰ্চা লাভ কৰিছে৷ ভাইৰেল হোৱা ফ’টোখনত দেখা গৈছে এটা নাহৰফুটুকীটোৰ ভৰিত এগৰাকী মহিলা ৰাখী বান্ধি আছে৷
এই ফ’টোখনে এতিয়া সমগ্ৰ দেশ-বিদেশত চাঞ্চল্যৰ সৃষ্টি কৰিছে। ৰাজস্থানৰ এখন গাঁৱৰ এই ফ’টোখন ইণ্টাৰনেটত শ্বেয়াৰ কৰিছে এজন বনকৰ্মীয়ে।
লগতে পঢ়ক ১২ বছৰীয়া কন্যা শিশুৰে বিবাহৰ বাবে সাজু হৈছিল ৭০ বছৰীয়া বৃদ্ধ! ইয়াৰ পিছত কি হ’ল?
প্ৰকাশিত খবৰ মতে আহত নাহৰফুটুকীটো ৰাজস্থানৰ এখন গাঁৱত প্ৰৱেশ কৰিছিল। গাঁওবাসীয়ে নাহৰফুটুকীটোক আক্ৰমণ কৰাৰ পৰিৱৰ্তে বন বিভাগক চমজাই দিয়ে। কিন্তু বন বিভাগক গতাই দিয়াৰ পূৰ্বে এগৰাকী মহিলাই আহত নাহৰফুটুকীটোৰ ভৰিত ৰাখী বান্ধি দিয়ে।
বনকৰ্মী সুশান্ত নন্দাই টুইটাৰত লিখিছে, ‘‘যুগ যুগ ধৰি ভাৰতৰ মানুহ আৰু বন্যপ্ৰাণী বিনাচৰ্ত প্ৰেমৰ দ্বাৰা বান্ধ খাই আহিছে। সেই ছবি ৰাজস্থানৰ এখন গাঁৱত দেখা গৈছিল। য’ত এগৰাকী মহিলাই শ্বাশ্বত প্ৰেমৰ আদৰ্শ ৰাখি আহত নাহৰফুটুকীটোক ৰাখী পিন্ধাই তাৰ পিছত বন বিভাগক গতাই দিলে।’’
For ages, man & animal in India have lived in harmony with unconditional love to the wild.
In Rajasthan, a lady shows this unfettered love to our wild by tying a Rakhi(symbol of love & brotherhood ) to an ailing Leopard before handing over to Forest Department.
(As received) pic.twitter.com/1jk6xi1q10— Susanta Nanda IFS (@susantananda3) August 12, 2022
এই ফ’টোখন ভাইৰেল হোৱাৰ পিছতে নেট-নাগৰিকে ব্যাপক সঁহাৰি দিয়া দেখা গৈছে। ভাৰতত মানুহ আৰু বন্যজন্তুবোৰ কেনেকৈ মিলাপ্ৰীতিৰে জীয়াই থাকে তাৰ শ্ৰেষ্ঠ উদাহৰণ তথা প্ৰতীক হিচাপেও ফ’টোখনক গণ্য কৰা হৈছে৷
জনাঞ্চলত প্ৰৱেশ কৰা বন্যজন্তুক মানুহে দেখা মাত্ৰকে আক্ৰমণৰ বাবে উদ্যত হোৱা দেখা যায়৷ ভাইৰেল হোৱা এই ফ’টোখনে মানুহৰ মাজত জন্তুপ্ৰেমৰ বাৰ্তা বিলাই বনজন্তুৰ প্ৰতি কৰা আক্ৰমণাত্মক আচৰণক সলনি কৰিব বুলি আশা কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
