অসম লাইভ২৪ঃ নতুন বাজেটত মহিলাক লৈ আছে কেইবাটাও বৃহৎ সঞ্চয় প্ৰকল্প৷ ২০২৩-২০২৪ বৰ্ষত মহিলাক লৈ বিত্তমন্ত্ৰী নিৰ্মলা সীতাৰমণে ঘোষণা কৰিছে এই প্ৰকল্পৰ৷ বিত্তমন্ত্ৰী নিৰ্মলা সীতাৰমণে বাজেট ভাষণত প্ৰকাশ কৰা অনুসৰি মহিলাসকলে এই প্ৰকল্পৰ অংশীদাৰ হ’বৰ বাবে ২লাখ টকা ২ বছৰৰ বাবে পোনতে বিনিয়োগ কৰিব লাগিব৷ এই প্ৰকল্পৰ অধীনত ২বছৰত মহিলাসকলে লাভ কৰিব ৭.৫ শতাংশ সুদ৷ এই প্ৰকল্পটোৰ নাম দিয়া হৈছে মহিলা সন্মানপত্ৰ৷ আগন্তুক বছৰত লোকসভা নিৰ্বাচনো অনুষ্ঠিত হ’ব৷ নিৰ্বাচনৰ পূৰ্বে প্ৰকাশ কৰা এই পূৰ্ণাংগ বাজেটত আছে কেইবাটাও ভালখবৰ৷
বাজেটখন সম্পূৰ্ণৰূপে নিৰ্বাচনক লক্ষ্য কৰিয়েই তৈয়াৰ কৰা হৈছে বুলি বহুকেইজন অৰ্থনীতিবিদেও মন্তব্য কৰিছে৷ কিয়নো এই বৰ্ষতেই দেশৰ ৯খন ৰাজ্যত অনুষ্ঠিত হ’ব বিধানসভা নিৰ্বাচন৷ আগন্তুত ২৪ চনত হ’ব লোকসভা নিৰ্বাচন৷ এই বাজেটত সেয়ে মহিলা, আদিবাসী জনজাতীয় লোকসকলক বিশেষভাৱে লক্ষ্য কৰি লোৱা হৈছে বুলি বাজেট দাখিলৰ পাছতেই অৰ্থনীতিবিদে মন্তব্য দাঙি ধৰিছে৷
ইফালে PM Primitive Vulnerable Tribal Groups Missionয়ো আৰম্ভ কৰিব চৰকাৰে৷ কাৰিকৰসকলক উৎসাহ দিয়াৰ বাবে প্ৰধানমন্ত্ৰীয়ে বিশ্বকৰ্মা কৌশল সন্মান প্ৰদানৰো দিহা কৰিছে৷ ছিনিয়ৰ চিটিজেন ছেভিংছ স্কিমত সৰ্বাধিক ৩০ লাখ টকা পৰ্যন্ত ৰাখিব পাৰিব৷ পোষ্ট অফিচত মাহিলী ইনকাম স্কিম ৪.৫ লাখৰ ঠাইত ৯ লাখ টকা ৰাখিব পাৰিব৷ জইন একাউণ্টত ৯ লাখৰ পৰিবৰ্তে ১৫ লাখ পৰ্যন্ত ধন জমা ৰাখিব পাৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
