জো ৱাইডেনক পিছ পেলাই এক্সত বিশ্বৰ সৰ্বাধিক ফ’ল’ৱাৰ থকা ৰাজনীতিবিদ নৰেন্দ্ৰ মোডী
ছচিয়েল মিডিয়াত প্ৰধানমন্ত্ৰী নৰেন্দ্ৰ মোডীয়ে নিজৰ নামত আন এক কৃতিত্ব অৰ্জন কৰিছে। প্ৰধানমন্ত্ৰী নৰেন্দ্ৰ মোডীয়ে ছ’চিয়েল মিডিয়া প্লেটফৰ্ম এক্স(টুইটাৰ)ত ১০ কোটি ফ’ল’ৱাৰ লাভ কৰিছে। মোডী হৈ পৰিছে বিশ্বৰ সৰ্বাধিক অনুসৰণ কৰা ৰাজনীতিবিদ। দেওবাৰে এই কৃতিত্ব অৰ্জন কৰে প্ৰধানমন্ত্ৰী নৰেন্দ্ৰ মোডীয়ে।
এক্স (পূৰ্বৰ টুইটাৰ)ত ১০ কোটি (১০০ মিলিয়ন) অনুগামী থকা বিশ্বৰ প্ৰথমজন ৰাজনীতিবিদ হোৱাৰ অভিলেখ গঢ়ে প্ৰধানমন্ত্ৰী মোডীয়ে। এই তালিকাত মোডীৰ পিছত আমেৰিকাৰ ৰাষ্ট্ৰপতি জো বাইডেনৰ নাম। এক্সত বাইডেনৰ ৩৮.১ মিলিয়ন ফ’ল’ৱাৰ আছে।
যদি কেৱল ভাৰতৰ প্ৰক্ষাপটৰ কথা কবলৈ যাও তেন্তে, মোডীৰ আশে-পাশে আন কোনো ৰাজনীতিবিদ দেখা নাযায়। লোকসভাত বিৰোধী আৰু কংগ্ৰেছৰ প্ৰবীণ নেতা ৰাহুল গান্ধীৰ এক্সত ফ’ল’ৱাৰ আছে ২৬.৪ মিলিয়ন।
দিল্লীৰ মুখ্যমন্ত্ৰী অৰবিন্দ কেজৰিৱালো ৰাহুলৰ আগত। তেখেতৰ ২৭.৫ মিলিয়ন ফ’ল’ৱাৰ আছে। সমাজবাদী পাৰ্টিৰ নেতা অখিলেশ যাদৱৰ এক্সত ১৯.৯ মিলিয়ন ফ’ল’ৱাৰ আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
