জল্পনা চলিছিল পেৰিছ অলিম্পিকৰ পৰা ঘূৰি অহাৰ পূৰ্বেই৷ শেষ পৰ্যন্ত সেই জল্পনাই যেন সঁচা প্ৰমাণিত হ’ল৷ খেলৰ ময়দানৰ পৰা ৰাজনীতিৰ ময়দানত নামিল ভাৰতৰ দুগৰাকী মল্লযুঁজাৰু বিনেশ ফোগাট আৰু বজৰং পুনিয়া৷ বুধবাৰে কংগ্ৰেছত যোগ দিলে ভাৰতৰ দুই মল্লযুজাৰু বিনেশ আৰু বজৰং পুনিয়াই৷
নতুন দিল্লীত কংগ্ৰেছ নেতা ৰাহুল গান্ধীৰ সৈতে দুয়ো দেখাও কৰিছে৷ আগন্তুক মাহতেই হাৰিয়ানা বিধানসভা নিৰ্বাচনত দুজনেই প্ৰাৰ্থিত্ব আগবঢ়াব৷ ৫ অক্টোবৰত ৯০ আসনৰ বাবে হাৰিয়ানা বিধানসভাৰ ভোটগ্ৰহণ৷ সেই ৰাজ্যৰ বৰ্তমান শাসকদল বিজেপিক টক্কৰ দিবলৈ সাজু হৈছে কংগ্ৰেছ৷ আম আদমি পাৰ্টীৰ সৈতে জোঁট বান্ধি আলোচনা আৰম্ভ কৰিছে কংগ্ৰেছে৷
আপৰ সৈতে জোটক লৈ এতিয়াও কোনো ফাইনেল সিদ্ধান্ত লোৱা নাই কংগ্ৰেছ নেতাই৷ একাংশ সূত্ৰৰ খবৰ অনুসৰি হাৰিয়ানাৰ ১০ আসনৰ বাবে কংগ্ৰেছৰ সৈতে বুজাপৰা কৰিব আপে৷ কংগ্ৰেছ নেতৃত্বই ৭খনতকৈ বেছি আসন দিবলৈ প্ৰস্তুত নহয়৷ ইপিনে আপ আৰু কংগ্ৰেছৰ বুজাপৰাৰ কথা চলি থাকোতেই দুই তাৰকা মল্লযুঁজাৰুৰ কংগ্ৰেছত যোগদানে শক্তি বঢ়াব কংগ্ৰেছ দলৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
