অসম লাইভ ২৪ঃ ক’ৰোনাৰ সংক্ৰমণ, ব্লেক আৰু হোৱাইট ফাংগাছে আতংকৰ সৃষ্টি কৰাৰ সময়ছোৱাতে ভাৰতত ধৰা দিছে য়েল্ল’ ফাংগাছে। গাজিয়াবাদত এই ৰোগত আক্ৰান্ত প্ৰথমগৰাকী ৰোগীক চিনাক্ত কৰা হৈছে। ৰোগীগৰাকীক চিকিৎসা কৰা ডাক্তৰ বি পি ত্যাগীয়ে উল্লেখ কৰা অনুসৰি ৰোগীজনৰ বয়স ৪৫ বছৰ। ইয়াৰ পূৰ্বে য়েল্ল’ ফাংগাছত আক্ৰান্ত হোৱা ৰোগীগৰাকী ডায়েবেটিছ ৰোগত আক্ৰান্ত আছিল। পূৰ্বতে ব্লেক ফাংগাছৰ সন্দেহত চিকিৎসালয়ত ভৰ্তি হোৱা ৰোগীগৰাকীৰ শৰীৰত য়েল্ল’ ফাংগাছে দেখা দিয়ে। সম্প্ৰতি ৰোগীগৰাকীৰ স্বাস্থ্য কিছু উন্নত হৈছে বুলি জানিব পৰা গৈছে। অৱশ্যে উল্লেখযোগ্য যে য়েল্ল’ ফাংগাছক লৈ এতিয়া আতংকিত হৈ পৰিছে জনতা। আনহাতে চিকিৎসকৰ মত অনুসৰি ব্লেক আৰু হোৱাইট ফাংগাছতকৈ মাৰাত্মক এই য়েল্ল’ ফাংগাছ। প্ৰথমে এই ভাইৰাছৰ অৱস্থিতি জেঠী আৰু নাইপিয়াৰ শৰীৰত পোৱা গৈছিল। আনহাতে এই ফাংগাছে দেখা দিলে মৃত্যুমুখত পৰিছিল প্ৰাণীসমূহ। যাৰ বাবে এতিয়া অধিক চিন্তিত হৈ পৰিছে চিকিৎসকসকল।
ব্লেক ফাংগাছৰ লক্ষণসমূহ
- নাক বন্ধ হোৱা
- শৰীৰ অনুভূতিহীন হোৱা
- শৰীৰত অসহ্য বিষ অনুভৱ হোৱা
- অত্যধিক দুৰ্বল লগা
- হৃদস্পন্দন বৃদ্ধি হোৱা
- পুষ্টিহীনতাত ভোগা
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
