কাইলৈ জুবিন গাৰ্গৰ মৃত্যুৰ প্ৰথম শুনানি৷ ১৬ ডিচেম্বৰত জুবিন গাৰ্গৰ ৰহস্যমৃত্যুৰ প্ৰথম শুনানিৰ দিন৷ কাইলৈ আটাইকেইটা অভিযুক্তক সোঁ শৰীৰে আদালতত হাজিৰ কৰোৱাবই লাগিব বুলি জনাইছে৷ ইতিমধ্যেই আৰক্ষীক নিৰ্দেশো প্ৰদান কৰিছে CJM আদালতে৷ কেনেকৈ আদালতলৈ আনিব সেয়া আৰক্ষীৰ বিষয় বুলিও জনাইছে CJM আদালতে৷
ইফালে SITয়ে দাখিল কৰা চাৰ্জশ্বীটত ভৱাতকৈয়ো বেছি ভয়ংকৰ তথ্য থকাৰ কথা জনাইছে বহু সূত্ৰই৷ জুবিন গাৰ্গক পৰিকল্পিতভাৱেই হত্যা কৰা হৈছে বুলিও উল্লেখ আছে চাৰ্জশ্বীটত৷ কেৱল হত্যাই নহয় মেনেজাৰ সিদ্ধাৰ্থ শৰ্মাৰ বহু বিত্তীয় কেলেংকাৰীৰ কথাও উদঙাই দিয়া হৈছে চাৰ্জশ্বীটত৷ কেনেকৈ জুবিন গাৰ্গক ইমানদিনে ঠগি আছিল মেনেজাৰ সিদ্ধাৰ্থই সেই তথ্যও আছে চাৰ্জশ্বীটত৷
চাৰ্জশ্বীটৰ ৰিপৰ্ট অনুসৰি জুবিনৰ বেংক একাউন্টত মাত্ৰ ১০ লাখহে ধন আছিল৷ ICICI বেংকত আছে জুবিনৰ এই ধনৰাশি৷ বছৰি হিচাপত জুবিনৰ একাউণ্টত থাকিব লাগে ৩ কোটি টকা৷ এবছৰত জুবিনৰ বিহু অনুষ্ঠানৰ পাৰিশ্ৰমিক ৪ কোটি ৮০ লাখ টকা৷ প্ৰতিখন বিহু অনুষ্ঠানৰে জুবিনৰ চুক্তি হয় ১২ লাখ টকাকৈ৷ এবছৰত ৪০ খনকৈ বিহু অনুষ্ঠান পৰিবেশন কৰে জুবিন গাৰ্গে৷
জুবিন গাৰ্গে শেহতীয়াকৈ গম পাইছিল তেওঁৰ ধনৰ খেলিমেলিৰ কথা৷ ছিংগাপুৰৰ পৰা ওভতি আহি সকলো হিচাপ লোৱাৰ কথা আছিল জুবিন গাৰ্গৰ৷ ১২ অক্টোবৰত জুবিন গাৰ্গৰ মেনেজাৰ সিদ্ধাৰ্থ আৰু আন একাংশৰ সৈতে হিচাপ কৰাৰ কথা আছিল৷ চিনেমাৰ নামত হোৱা ব্যয়, খাৰঘুলিৰ ঘৰ আৰু ষ্টুডিঅ’ৰ নামত হোৱা ব্যয়ৰ খাতিয়ান লোৱাৰ কথা আছিল জুবিন গাৰ্গৰ৷ কিন্তু ৰহস্যজনকভাৱে ছিংগাপুৰৰ পৰা ওভতি অহাৰ পূৰ্বে মৃত্য হয় জুবিন গাৰ্গ৷ এই সকলোবোৰ কথা উল্লেখ আছে দীঘলীয়া চার্জশ্বীটৰ পৃষ্ঠাত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
