IPL 2026, MS Dhoni: পুনৰ চৰ্চাৰ মহেন্দ্ৰ সিং ধোনী। CSK vs SRH ৰ খেলখন ধোনীৰ বাবে অন্তিমখন মেচ হ’ব নেকি? ধোনীয়ে আই পি এলৰ শেষৰখন মেচ চেন্নাইত খেলাৰ ইচ্ছা প্ৰকাশ কৰিছিল, আৰু সেই সময় আহি পৰিছে। আই পি এল ২০২৬ৰ CSK vs SRH ৰ খেলখন আজি সন্ধিয়া চেন্নাইৰ চেপাক ষ্টেডিয়ামত অনুষ্ঠিত হ’ব। গতিকে, চেন্নাই ছুপাৰ কিংছৰ থালাই ২০২১ চনৰ কথাখিনি বাস্তৱায়িত কৰাৰ সময় আহি পৰিছে নেকি? আৱেগিক ক্ষণৰ দিশে ক্ৰিকেট অনুৰাগী! ২০২৬ চনৰ আই পি এলত CSK vs SRH ৰ খেলৰ পিছত ধোনীয়ে অৱসৰ ল’ব বুলি যথেষ্ঠ চৰ্চা চলিছে। এই প্ৰশ্নৰ কোনো আনুষ্ঠানিক উত্তৰ এই মুহূৰ্তলৈ অহা নাই। অৱশ্যে মেচৰ পূৰ্বে কিছুমান ঘটনা সংঘটিত হৈছে যিয়ে তেওঁৰ অৱসৰৰ ইংগিত দিছে।
২০২১ চনত ধোনীয়ে কি কৈছিল?
প্ৰথমে ২০২১ চনত ধোনীয়ে কৈছিল, সদায় এটা পৰিকল্পনাৰে ক্ৰিকেট আগবাঢ়ে। তেওঁ শেষৰ ৱান ডে ইণ্টাৰনেচনেল ঘৰুৱা খেলপথাৰ ৰাঁচীত খেলিছিল। সেই ইভেণ্টত ধোনীয়ে কয় যে অহা বছৰ বা পাঁচ বছৰত এনেকুৱা হ’ব নে নহয় নাজানে, কিন্তু চেন্নাইত শেষৰখন টি-২০ মেচ খেলিব বুলি আশা কৰিছে।
Once MS Dhoni said, “Hopefully my last T20 will be in Chennai.” And before that, he mentioned how he has always planned his career — his last ODI in Ranchi, his home ground.
So yes, CSK Nation… we can dream.
Maybe, just maybe, on 18th May vs SRH, we might witness Thala walking… pic.twitter.com/lnyanIGLFF
— sirron tweets💛 (@SirronOfficial) May 16, 2026
ধোনীয়ে অৱসৰৰ কথা ঘোষণা কৰাৰ ঠিক পাঁচ বছৰ পাৰ হৈ গ’ল। আজি এই মেচখন চেন্নাইত অনুষ্ঠিত হ’ব। এই ছিজনত চি এছ কেৰ ঘৰুৱা খেলপথাৰ চেপাকত অনুষ্ঠিত হ’বলগীয়া অন্তিমখন মেচ হ’ব৷ এতিয়া সকলোবোৰ কথাই তেওঁৰ অৱসৰৰ সিদ্ধান্তলৈ আঙুলিয়াই দিছে।
অৱশ্যে আই পি এল ২০২৬ আৰম্ভ হোৱাৰ পূর্বে ধোনীৰ অৱসৰৰ উৰাবাতৰি প্রচাৰিত হৈ আহিছে৷ আনকি বিশিষ্ট ক্ৰিকেট বিশেষজ্ঞসকলেও ভৱিষ্যদ্বাণী কৰিছে যে এইটো তেওঁৰ অন্তিম ছিজন হ’ব৷ শেহতীয়াকৈ ভাৰতৰ প্ৰাক্তন ক্ৰিকেটাৰ তথা ধোনিৰ সতীৰ্থ মহম্মদ কাইফে এক সাক্ষাৎকাৰত উল্লেখ কৰিছে যে ১৮ মে’ত চেন্নাইত অনুষ্ঠিত হ’বলগীয়া চি এছ কে মেচখন ধোনিৰ শেষ খেল হ’ব পাৰে। এই মেচত খেলিব বুলি আশা প্ৰকাশ কৰি কাইফে খেলাৰ পিছত অৱসৰ ল’ব পাৰে বুলি উল্লেখ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
