অসম লাইভ২৪ঃ আৰম্ভ হ’ল জোনমনি ৰাভাৰ মৃত্যুৰ তদন্ত প্ৰক্ৰিয়া। জোনমণি ৰাভাৰ মৃত্যুৰ তদন্তৰ দায়িত্ব লোৱাৰ পিছতেই কালি নিশা গুৱাহাটীত উপস্থিত হয় CBIৰ দল। আই পি এছ বিষয়া লাভলী কাটিয়াৰৰ নেতৃত্বত অহা CBIৰ দলটোৱে কালি নিশা গুৱাহাটী চিবিআই কাৰ্যালয়ত বাহৰ পাতে। আজি পুৱা দলটোৱে জখলাবন্ধালৈ ৰাওনা হৈছে। চিবিআইৰ দুগৰাকী পৰিদৰ্শকৰ নেতৃত্বত গৈছে দলটো।
জখলাবন্ধালৈ গৈ জোনমণি ৰাভাৰ দুৰ্ঘটনাস্থলী পৰিদৰ্শন কৰিব চিবিআইৰ দলটোৱে। তাত যাৱতীয় তদন্তৰ পিছত পুনৰ বিয়লি গুৱাহাটীলৈ ঘূৰি আহিব চিবিআইৰ দলটো। বুধবাৰে আৰক্ষী সঞ্চালক প্ৰধান জি পি সিঙে CBIৰ দলটো আহি কাৰ্যভাৰ চম্ভালি লোৱাৰ কথা প্ৰকাশ কৰিছিল। সেই অনুসৰিয়ে আজিৰে পৰা চিবিআইৰ দলে জোনমণি ৰাভাৰ মৃত্যুৰ তদন্তৰ যাৱতীয় কাম–কাজ আৰম্ভ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
