অসম লাইভ ২৪ঃ কবিগুৰু ৰবীন্দ্ৰনাথতকৈয়ো ওপৰত অমিত শ্বাহ। পশ্চিমবংগ ভ্ৰমণৰত কেন্দ্ৰীয় গৃহমন্ত্ৰী অমিত শ্বাহ সোমাই পৰিছে বিতৰ্কত। এখন পোষ্টাৰক কেন্দ্ৰ কৰি সৃষ্টি হৈছে বিতৰ্কৰ। বিশ্ব ভাৰতী বিশ্ববিদ্যালয় চৌহদত বিজেপি সমৰ্থকে লগাইছিল পোষ্টাৰখন। পোষ্টাৰখনত দেখা গৈছে একেবাৰে ওপৰত অমিত শ্বাহৰ ফটো। তাৰ ঠিক তলতে কবিগুৰু ৰবীন্দ্ৰনাথ ঠাকুৰৰ এক স্কেচ। কবিগুৰু স্কেচৰ ওপৰত অমিত শ্বাহৰ ফটো লগোৱাত বিজেপিক তীব্ৰ সমালোচনা কৰিছে তৃণমূল কংগ্ৰেছে। পশ্চিমবংগ চৰকাৰৰ মন্ত্ৰী তথা টি এম চিৰ নেতা সুব্ৰত মুখাৰ্জীয়ে বিজেপি আৰু অমিত শ্বাহে ৰবীন্দ্ৰনাথ ঠাকুৰক অপমান কৰা বুলি মন্তব্য কৰিছে। তেওঁ আৰু এঢাপ আগুৱাই কয়- বিজেপি আৰু অমিত শ্বাহে বাঙালি সংস্কৃতি সন্দৰ্ভত একো নাজানে। উল্লেখ্য আজি কেন্দ্ৰীয় গৃহ মন্ত্ৰীগৰাকীয়ে ৰবীন্দ্ৰনাথ ঠাকুৰৰ জন্মভূমি বীৰভূমিত উপস্থিত হৈ শান্তি নিকেতনৰ বিশ্ব ভাৰতী বিশ্ববিদ্যালয়ত বিভিন্ন কাৰ্যসূচীত অংশগ্ৰহণ কৰাৰ লগতে কবিগুৰুৰ প্ৰতি শ্ৰদ্ধা নিবেদন কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
