অসম লাইভ২৪ঃ আজি ৱাৰ্ল্ড বেষ্ট ফ্ৰেণ্ড ডে’। দাম্পত্যৰ মাজতেই কেনেদৰে বন্ধুত্ব বজাই ৰাখিব পাৰি তাৰ নিদৰ্শন দাঙি ধৰিছে বিকি কৌশল আৰু কেটৰীণা কাঈফে। দুজনেই অভিনয়ক্ষেত্ৰত জড়িত হ’লেও দুয়োৰে পৃথিৱী সম্পূৰ্ণ পৃথক। পৃথকতাবোৰকেই উদযাপন হিচাপে লয় কেট-বিকিয়ে। ২০২১ চনৰ ৯ ডিচেম্বৰত বিবাহপাশত আৱদ্ধ হৈছিল কেট আৰু বিকি। দুয়োৰে বৈবাহিক জীৱনে ডেৰটা বছৰ অতিক্ৰমো কৰিছে। এই ডেৰটা বছৰত দুয়োৱেই দুয়োৰে ভাললগা বেয়ালগাসমূহ বুজি উঠিছে। বুজাপৰাও দুয়োৰে এতিয়া গভীৰ হৈছে। সম্প্ৰতি মুক্তিপ্ৰাপ্ত ‘জাৰা হাটকে জাৰা বাঁচকে’ ছবিৰ প্ৰচাৰৰ বাবে দেশৰ ইমূৰৰ পৰা সিমূৰলৈ ঘূৰি ফুৰিছে বিকিয়ে। বিভিন্নজনৰ সৈতে বাৰ্তালাপত মিলিত হৈছে। তাৰমাজতেই শেহতীয়াভাৱে বিকিয়ে তেওঁৰ ব্যক্তিগত জীৱন অৰ্থাৎ কেট আৰু তেওঁৰ মাজৰ সম্পৰ্ক কেনেকুৱা সেই কথা মুকলিকৈ ইণ্টাৰভিউটোত প্ৰকাশ কৰিছে।
বিকিয়ে কেট সন্দৰ্ভত কয়, ‘তেওঁক মই পুৱাও ভালকৈ সময় দিব নোৱাৰো। আমাৰ দুয়োৰেই পৰিস্থিতি পৃথক। পুৱাই মই কামৰ বাবে সাজু হ’ব লাগে। পুৱা আমি দুয়ো বেলেগ বেলেগ মেজাজত থাকো। টোপনিৰ পৰা উঠি নিত্য নৈমিত্ৰিক কামকেইটা কৰিবলৈ মোৰ প্ৰায় ২ঘণ্টা সময় লাগে। উঠি কফি খাই কামৰ বাবে ওলাই যাবৰ হয়েই। আমি দুয়োৱে কথা পাতিবলৈকো সুযোগ নাপাও।’
ইয়াৰপূৰ্বেও এক সাক্ষাৎকাৰত সম্পৰ্ক কেনেদৰে ভালে ৰাখিব সেই সম্পৰ্কে মন্তব্য দাঙি ধৰিছিল বিকিয়ে। বিকিয়ে সম্পৰ্কক লৈ কৈছিল, ‘প্ৰেম বিবাহেই হওক বা পৰিয়ালৰ পছন্দৰ বিবাহেই হওক দুয়োটা সম্পৰ্কতেই ভালপোৱা থকাটো নিতান্তই প্ৰয়োজন। পৰস্পৰৰ মাজত বুজাপৰা আৰু সহানুভূতি থকাটো প্ৰয়োজন।’ বিকিৰ মতে সিদ্ধান্ত লোৱাৰ সময়ত দুজনেই বুজাপৰাৰ মাজেৰে সিদ্ধান্তটো ল’ব লাগে। এটা সম্পৰ্কত দুজনেই সুখী হোৱাটোৱে আচল কথা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
