অসম লাইভ২৪ঃ লিভাৰৰ সমস্যা হোৱাৰ নিৰ্দিষ্ট কোনো কাৰণ নাই। দীৰ্ঘদিন ধৰি মদ্যপানৰ প্ৰৱণতা, শৰীৰচৰ্চা, নিদ্ৰাহীনতা আদিৰ বাবেও লিভাৰত ফেট জমা হয়। যিকোনো বয়সতেই এই সমস্যা হ’ব পাৰে। লিভাৰত অতিৰিক্ত মেদ জমা হোৱাৰ ফলত বিভিন্ন সমস্যাই দেখা দিব পাৰে। বংশগত কাৰণতো সেই সমস্যাই দেখা দিয়ে। লিভাৰৰ অসুখ হ’লে কেইটামান বিশেষ লক্ষণে আমাৰ শৰীৰত দেখা দিয়ে।
লিভাৰৰ সমস্যা হ’লে প্ৰথমেই ইয়াৰ লক্ষণ ছালত ফুঁটি উঠে। ছালৰ কোনবোৰ লক্ষণে দেখা দিলে লিভাৰক লৈ সচেতন হ’ব?
ছালত জ্বলা-পোৰা ভাৱ
গৰমৰ সময়ছোৱাত ঘৰৰ বাহিৰলৈ ওলালে ছালত জ্বলা-পোৰা কৰে। খজুলি, ঘামচি ক বাদ দি ছালত ফোঁহা ওলাই পানী জমা হয়। ছালৰ এই ফোঁহা লিভাৰৰ কাৰণে হয়। গ্ৰীষ্মকাল আৰম্ভ হোৱাৰ পূৰ্বেই যদি এনে সমস্যাই দেখা দিয়ে তেন্তে চিকিৎসকৰ পৰামৰ্শ লোৱাটো অতি জৰুৰী।
ছালত হালধীয়া বৰণ ধৰা
ছালত হালধীয়া বৰণ ধৰিলে প্ৰথমেই জণ্ডিছ হৈছে বুলি আমি প্ৰায়েই কওঁ। কিন্তু ছালত হালধীয়া বৰণ ধৰাৰ একমাত্ৰ কাৰণ জণ্ডিছেই নহয়। লিভাৰত খেলিমেলি হ’লেও ছালৰ বৰণ হালধীয়া হৈ পৰে। সেয়ে ছালত হালধীয়া বৰণ ধৰিলে লগে লগেই চিকিৎসকৰ পৰামৰ্শ লোৱাটো জৰুৰী।
ছালত ৰঙা ফোট ফোট পৰা
অত্যাধিক গৰমতো কেতিয়াবা ছালত ৰঙা ৰঙা ফোট পৰে। এয়া খুবেই সাধাৰণ এটি বিষয়। কিন্তু এছি ৰুমত বা ঠাণ্ডা ঠাইত থাকিও যদি এই লক্ষণে দেখা দিয়ে তেন্তে চিকিৎসকৰ পৰামৰ্শ লোৱাটো জৰুৰী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
