অসম লাইভ২৪ঃ
গুৱাহাটীঃ গুৱাহাটীৰ মাজমজিয়াত সংঘটিত হোৱা এক ভয়াৱহ পথ দুৰ্ঘটনাই সমগ্ৰ ৰাজ্য জোকাৰি গৈছে। মহানগৰীৰ জালুকবাৰীত ৭ জনকৈ প্ৰচুৰ সম্ভাৱনাময় যুৱকে উক্ত পথ দুৰ্ঘটনাটিত থিতাতে প্ৰাণ হেৰুৱায়।
উল্লেখ্য যে, দেওবাৰে নিশা প্ৰায় ১ বজাত এ এচ ০১ এফ কে ৯৬০৫ নম্বৰৰ স্কৰপিঅ’ বাহনখনত অসম অভিযান্ত্ৰিক মহাবিদ্যালয়ৰ ১০ জনকৈ যুৱক চানডুবিৰ পৰা উভতি আহি আছিল। উভতি আহি থকাৰ সময়তেই বাহনখনে নিয়ন্ত্ৰণ হেৰুৱাই প্ৰথমে ডিভাইদাৰত খুন্দা মাৰে আৰু পৰৱৰ্তী সময়ত আনটো দিশত থকা এ এচ ০১ জি চি ৮৮২৯ নম্ৱৰৰ ব’লেৰ’ পিক আপ ভানখনত খুন্দা মাৰে।
এই দুৰ্ঘটনাৰ প্ৰাবল্য ইমানেই গুৰুতৰ আছিল যে, স্কৰপিঅ’খনত থকা ৭ জনকৈ যুৱক দুৰ্ঘটনাস্থলীতেই থিতাতে নিহত হৈছিল আৰু আন তিনিজনক পৰৱৰ্তী সময়ত গুৱাহাটী চিকিৎসা মহাবিদ্যালয়ত ভৰ্তি কৰোৱা হয় । অন্যহাতে, বলেৰ’ পিকআপ ভানখনত থকা চালক আৰু হেন্ডিমেনসহ আন ৩ জনকৈ লোক এপোলো হাস্পাতালত চিকিত্সাধীন অৱস্থাত আছে।
এইখিনিতে এটা প্ৰশ্ন উত্থাপিত হৈছে যে হোষ্টেলত ছাত্ৰ-ছাত্ৰী কিমান নিৰাপদ? হোষ্টেল কতৃপক্ষ কিমান দায়বদ্ধ হোষ্টেলত থকা ছাত্ৰ-ছাত্ৰীৰ সুৰক্ষাক লৈ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
