অসম লাইভ২৪ঃ বলীউডত তেওঁ জনপ্ৰিয়। চিনেমাৰ সৈতে সম্পৰ্কিত হৈ থাকিলে তেওঁৰ বিষয়ে নজনা মানুহ হয়তো খুব কমেই ওলাব। বিনোদন জগতত তেওঁ অৱদানক লৈ সন্দেহৰ অৱকাশ নাই। চলিত বছৰতেই বিনোদন জগতত ২৫ বছৰ সম্পূৰ্ণ কৰিছে পৰিচালক কৰণ জোহাৰে। জীৱনৰ এই বিশেষ সময়খিনিত কৰণ জোহাৰে লাভ কৰিবলৈ সক্ষম হৈছে বিশেষ সফলতা। বিশ্বৰ বিনোদন জগততো তেওঁৰ অৱদানৰ কথালৈ লক্ষ্য ৰাখি কৰণ জোহাৰক ব্ৰিটিছ পাৰ্লিয়ামেণ্টৰ পৰা বিশেষ সন্মান প্ৰদান কৰা হৈছে। ব্ৰিটিছ পাৰ্লিয়ামেণ্টৰ সকলো সদস্যৰ উপস্থিতিতেই পাৰ্লিয়ামেণ্টত সন্মানিত কৰা হৈছে কৰণ জোহাৰক।
আগন্তুক ২০ জুনত ওৱেষ্টমিনষ্টাৰৰ প্ৰাসাদত বিশেষ অনুষ্ঠানৰ আয়োজন কৰা হ’ব। তাতেই ‘হাউছ অৱ কমন’ আৰু ‘হাউছ অৱ লৰ্ডছ’ৰ উপস্থিতিত সন্মানিত হ’ব বলীউডৰ খ্যাতনামা প্ৰযোজক-পৰিচালকক। বলীউডত নিজৰ কৰ্মজীৱন আৰম্ভ কৰিছিল, ‘দিলৱালে দুলহানিয়া লে জায়েংগে’ ছবিখনেৰে। সেই ছবিখনতেই সহকাৰী পৰিচালক হিচাপে আছিল কৰণ জোহাৰ। পৰিচালনাৰ ওপৰিও প্ৰযোজনাতো কৰণ জোহাৰ পৰিপক্ক। কৰণে প্ৰযোজনা কৰিছে, ‘দোস্তানা’ ‘ডিয়াৰ জিন্দেগী’, ‘ইয়ে জাৱানী হে দিৱানী’ৰ দৰে ছবিও। আনকি কৰণৰ একাধিক ছবিৰ শ্বুটিং হৈছে ইংলেণ্ডত।
ব্ৰিটেইনে ‘কভি খুছি কভি গম’, ‘মাই নেম ইজ খান’, ‘ইয়ে দিল হে মুছকিল’ৰ দৰে একাধিক হিট ছবিৰ শ্বুটিং কৰিছে কৰণে। ব্ৰিটেনৰ বিনোদন জগতৰ সৈতে কৰণৰ পুৰণি সম্পৰ্ক আছে। এইবাৰ ব্ৰিটেইনতেই সন্মানিত হৈছে কৰণ জোহাৰ। আগন্তুক ২৮ জুলাইত মুক্তিলাভ কৰিব কৰণ জোহাৰৰ পৰিচালিত ছবি ৰকি ঔৰ ৰাণী কি প্ৰেম কাহানী’। এই ছবিত অভিনয় কৰিছে আলিয়া ভাট্ট, ৰণবীৰ সিঙ, ধৰ্মেন্দ্ৰ, শাবানা আজমি, চূৰ্ণী গঙ্গোপাধ্যায়, টোটা ৰায়চৌধুৰীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
